॥শ্রীমদ্ভগবদ্গীতা পদচ্ছেদ॥
অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ প্রথমঃ অধ্যাযঃ । অর্জুন-বিষাদ যোগঃ ।
ধৃতরাষ্ট্রঃ উবাচ ।
ধর্ম-ক্ষেত্রে কুরু-ক্ষেত্রে সমবেতাঃ যুযুত্সবঃ ।
মামকাঃ পাণ্ডবাঃ চ এব কিম্ অকুর্বত সঞ্জয ॥১॥
সঞ্জযঃ উবাচ ।
দৃষ্ট্বা তু পাণ্ডব-অনীকম্ ব্যূঢম্ দুর্যোধনঃ তদা ।
আচার্যম্ উপসঙ্গম্য রাজা বচনম্ অব্রবীত্ ॥২॥
পশ্য এতাম্ পাণ্ডু-পুত্রাণাম্ আচার্য মহতীম্ চমূম্ ।
ব্যূঢাম্ দ্রুপদ-পুত্রেণ তব শিষ্যেণ ধীমতা ॥৩॥
অত্র শূরাঃ মহা-ইষু-আসাঃ ভীম-অর্জুন-সমাঃ যুধি ।
যুযুধানঃ বিরাটঃ চ দ্রুপদঃ চ মহারথঃ ॥৪॥
ধৃষ্টকেতুঃ চেকিতানঃ কাশিরাজঃ চ বীর্যবান্ ।
পুরুজিত্ কুন্তিভোজঃ চ শৈব্যঃ চ নর-পুঙ্গবঃ ॥৫॥
যুধামন্যুঃ চ বিক্রান্তঃ উত্তমৌজাঃ চ বীর্যবান্ ।
সৌভদ্রঃ দ্রৌপদেযাঃ চ সর্বে এব মহারথাঃ ॥৬॥
অস্মাকম্ তু বিশিষ্টাঃ যে তান্ নিবোধ দ্বিজ-উত্তম ।
নাযকাঃ মম সৈন্যস্য সংজ্ঞার্থং তান্ ব্রবীমি তে ॥৭॥
ভবান্ ভীষ্মঃ চ কর্ণঃ চ কৃপঃ চ সমিতিঞ্জযঃ ।
অশ্বত্থামা বিকর্ণঃ চ সৌমদত্তিঃ তথা এব চ ॥৮॥
অন্যে চ বহবঃ শূরাঃ মদর্থে ত্যক্ত-জীবিতাঃ ।
নানা-শস্ত্র-প্রহরণাঃ সর্বে যুদ্ধ-বিশারদাঃ ॥৯॥
অপর্যাপ্তম্ তত্ অস্মাকম্ বলম্ ভীষ্ম-অভিরক্ষিতম্ ।
পর্যাপ্তম্ তু ইদম্ এতেষাম্ বলম্ ভীম-অভিরক্ষিতম্ ॥১০॥
অযনেষু চ সর্বেষু যথা-ভাগম্ অবস্থিতাঃ ।
ভীষ্মম্ এব অভিরক্ষন্তু ভবন্তঃ সর্বে এব হি ॥১১॥
তস্য সঞ্জনযন্ হর্ষম্ কুরু-বৃদ্ধঃ পিতামহঃ ।
সিংহনাদম্ বিনদ্য উচ্চৈঃ শঙ্খম্ দধ্মৌ প্রতাপবান্ ॥১২॥
ততঃ শঙ্খাঃ চ ভের্যঃ চ পণব-আনক-গোমুখাঃ ।
সহসা এব অভ্যহন্যন্ত সঃ শব্দঃ তুমুলঃ অভবত্ ॥১৩॥
ততঃ শ্বেতৈঃ হযৈঃ যুক্তে মহতি স্যন্দনে স্থিতৌ ।
মাধবঃ পাণ্ডবঃ চ এব দিব্যৌ শঙ্খৌ প্রদধ্মতুঃ ॥১৪॥
পাঞ্চজন্যম্ হৃষীকেশঃ দেবদত্তম্ ধনঞ্জযঃ ।
পৌণ্ড্রম্ দধ্মৌ মহা-শঙ্খম্ ভীম-কর্মা বৃক-উদরঃ ॥১৫॥
অনন্তবিজযম্ রাজা কুন্তী-পুত্রঃ যুধিষ্ঠিরঃ ।
নকুলঃ সহদেবঃ চ সুঘোষ-মণি-পুষ্পকৌ ॥১৬॥
কাশ্যঃ চ পরম-ইষু-আসঃ শিখণ্ডী চ মহারথঃ ।
ধৃষ্টদ্যুম্নঃ বিরাটঃ চ সাত্যকিঃ চ অপরাজিতঃ ॥১৭॥
দ্রুপদঃ দ্রৌপদেযাঃ চ সর্বশঃ পৃথিবী-পতে ।
সৌভদ্রঃ চ মহা-বাহুঃ শঙ্খান্ দধ্মুঃ পৃথক্ পৃথক্ ॥১৮॥
সঃ ঘোষঃ ধার্তরাষ্ট্রাণাম্ হৃদযানি ব্যদারযত্ ।
নভঃ চ পৃথিবীম্ চ এব তুমুলঃ অভ্যনুনাদযন্ ॥১৯॥
অথ ব্যবস্থিতান্ দৃষ্ট্বা ধার্ত্ররাষ্ট্রান্ কপি-ধ্বজঃ ।
প্রবৃত্তে শস্ত্র-সম্পাতে ধনুঃ উদ্যম্য পাণ্ডবঃ ॥২০॥
হৃষীকেশম্ তদা বাক্যম্ ইদম্ আহ মহীপতে ।
অর্জুনঃ উবাচ ।
সেনযোঃ উভযোঃ মধ্যে রথম্ স্থাপয মে অচ্যুত ॥২১॥
যাবত্ এতান্ নিরীক্ষে অহম্ যোদ্ধু-কামান্ অবস্থিতান্ ।
কৈঃ মযা সহ যোদ্ধব্যম্ অস্মিন্ রণ-সমুদ্যমে ॥২২॥
যোত্স্যমানান্ অবেক্ষে অহম্ যে এতে অত্র সমাগতাঃ ।
ধার্তরাষ্ট্রস্য দুর্বুদ্ধেঃ যুদ্ধে প্রিয-চিকীর্ষবঃ ॥২৩॥
সঞ্জযঃ উবাচ ।
এবম্ উক্তঃ হৃষীকেশঃ গুডাকেশেন ভারত ।
সেনযোঃ উভযোঃ মধ্যে স্থাপযিত্বা রথ-উত্তমম্ ॥২৪॥
ভীষ্ম-দ্রোণ-প্রমুখতঃ সর্বেষাম্ চ মহী-ক্ষিতাম্ ।
উবাচ পার্থ পশ্য এতান্ সমবেতান্ কুরূন্ ইতি ॥২৫॥
তত্র অপশ্যত্ স্থিতান্ পার্থঃ পিতৄন্ অথ পিতামহান্ ।
আচার্যান্ মাতুলান্ ভ্রাতৄন্ পুত্রান্ পৌত্রান্ সখীন্ তথা ॥২৬॥
শ্বশুরান্ সুহৃদঃ চ এব সেনযোঃ উভযোঃ অপি ।
তান্ সমীক্ষ্য সঃ কৌন্তেযঃ সর্বান্ বন্ধূন্ অবস্থিতান্ ॥২৭॥
কৃপযা পরযাবিষ্টো বিষীদন্ ইদম্ অব্রবীত্ ।
অর্জুনঃ উবাচ ।
দৃষ্ট্বা ইমম্ স্বজনম্ কৃষ্ণ যুযুত্সুম্ সমুপস্থিতম্ ॥২৮॥
সীদন্তি মম গাত্রাণি মুখম্ চ পরিশুষ্যতি ।
বেপথুঃ চ শরীরে মে রোম-হর্ষঃ চ জাযতে ॥২৯॥
গাণ্ডীবম্ স্রংসতে হস্তাত্ ত্বক্ চ এব পরিদহ্যতে ।
ন চ শক্নোমি অবস্থাতুম্ ভ্রমতি ইব চ মে মনঃ ॥৩০॥
নিমিত্তানি চ পশ্যামি বিপরীতানি কেশব ।
ন চ শ্রেযঃ অনুপশ্যামি হত্বা স্বজনম্ আহবে ॥৩১॥
ন কাঙ্ক্ষে বিজযম্ কৃষ্ণ ন চ রাজ্যম্ সুখানি চ ।
কিম্ নঃ রাজ্যেন গোবিন্দ কিম্ ভোগৈঃ জীবিতেন বা ॥৩২॥
যেষাম্ অর্থে কাঙ্ক্ষিতম্ নঃ রাজ্যম্ ভোগাঃ সুখানি চ ।
তে ইমে অবস্থিতাঃ যুদ্ধে প্রাণান্ ত্যক্ত্বা ধনানি চ ॥৩৩॥
আচার্যাঃ পিতরঃ পুত্রাঃ তথা এব চ পিতামহাঃ ।
মাতুলাঃ শ্বশুরাঃ পৌত্রাঃ শ্যালাঃ সম্বন্ধিনঃ তথা ॥৩৪॥
এতান্ ন হন্তুম্ ইচ্ছামি ঘ্নতঃ অপি মধুসূদন ।
অপি ত্রৈলোক্য-রাজ্যস্য হেতোঃ কিম্ নু মহীকৃতে ॥৩৫॥
নিহত্য ধার্তরাষ্ট্রান্ নঃ কা প্রীতিঃ স্যাত্ জনার্দন ।
পাপম্ এব আশ্রযেত্ অস্মান্ হত্বা এতান্ আততাযিনঃ ॥৩৬॥
তস্মাত্ ন অর্হাঃ বযম্ হন্তুম্ ধার্তরাষ্ট্রান্ স্ববান্ধবান্ ।
স্বজনম্ হি কথম্ হত্বা সুখিনঃ স্যাম মাধব ॥৩৭॥
যদি অপি এতে ন পশ্যন্তি লোভ-উপহত-চেতসঃ ।
কুল-ক্ষয-কৃতম্ দোষম্ মিত্র-দ্রোহে চ পাতকম্ ॥৩৮॥
কথম্ ন জ্ঞেযম্ অস্মাভিঃ পাপাত্ অস্মান্ নিবর্তিতুম্ ।
কুল-ক্ষয-কৃতম্ দোষম্ প্রপশ্যদ্ভিঃ জনার্দন ॥৩৯॥
কুল-ক্ষযে প্রণশ্যন্তি কুল-ধর্মাঃ সনাতনাঃ ।
ধর্মে নষ্টে কুলম্ কৃত্স্নম্ অধর্মঃ অভিভবতি উত ॥৪০॥
অধর্ম-অভিভবাত্ কৃষ্ণ প্রদুষ্যন্তি কুল-স্ত্রিযঃ ।
স্ত্রীষু দুষ্টাসু বার্ষ্ণেয জাযতে বর্ণ-সঙ্করঃ ॥৪১॥
সঙ্করঃ নরকায এব কুল-ঘ্নানাম্ কুলস্য চ ।
পতন্তি পিতরঃ হি এষাম্ লুপ্ত-পিণ্ড-উদক-ক্রিযাঃ ॥৪২॥
দোষৈঃ এতৈঃ কুল-ঘ্নানাম্ বর্ণ-সঙ্কর-কারকৈঃ ।
উত্সাদ্যন্তে জাতি-ধর্মাঃ কুল-ধর্মাঃ চ শাশ্বতাঃ ॥৪৩॥
উত্সন্ন-কুল-ধর্মাণাম্ মনুষ্যাণাম্ জনার্দন ।
নরকে অনিযতম্ বাসঃ ভবতি ইতি অনুশুশ্রুম ॥৪৪॥
অহো বত মহত্ পাপম্ কর্তুম্ ব্যবসিতা বযম্ ।
যত্ রাজ্য-সুখ-লোভেন হন্তুম্ স্বজনম্ উদ্যতাঃ ॥৪৫॥
যদি মাম্ অপ্রতীকারম্ অশস্ত্রম্ শস্ত্র-পাণযঃ ।
ধার্তরাষ্ট্রাঃ রণে হন্যুঃ তত্ মে ক্ষেমতরম্ ভবেত্ ॥৪৬॥
সঞ্জযঃ উবাচ ।
এবম্ উক্ত্বা অর্জুনঃ সঙ্খ্যে রথ-উপস্থে উপাবিশত্ ।
বিসৃজ্য সশরম্ চাপম্ শোক-সংবিগ্ন-মানসঃ ॥৪৭॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে
অর্জুন-বিষাদ যোগঃ নাম প্রথমঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ দ্বিতীযঃ অধ্যাযঃ । সাঙ্খ্য-যোগঃ ।
সঞ্জযঃ উবাচ ।
তম্ তথা কৃপযা আবিষ্টম্ অশ্রু-পূর্ণ-আকুল-ঈক্ষণম্ ।
বিষীদন্তম্ ইদম্ বাক্যম্ উবাচ মধুসূদনঃ ॥১॥
শ্রীভগবান্ উবাচ ।
কুতঃ ত্বা কশ্মলম্ ইদম্ বিষমে সমুপস্থিতম্ ।
অনার্য-জুষ্টম্ অস্বর্গ্যম্ অকীর্তিকরম্ অর্জুন ॥২॥
ক্লৈব্যম্ মা স্ম গমঃ পার্থ ন এতত্ ত্বযি উপপদ্যতে ।
ক্ষুদ্রম্ হৃদয-দৌর্বল্যম্ ত্যক্ত্বা উত্তিষ্ঠ পরন্তপ ॥৩॥
অর্জুনঃ উবাচ ।
কথম্ ভীষ্মম্ অহম্ সঙ্খ্যে দ্রোণম্ চ মধুসূদন ।
ইষুভিঃ প্রতিযোত্স্যামি পূজা-অর্হৌ অরি-সূদন ॥৪॥
গুরূন্ অহত্বা হি মহানুভাবান্ শ্রেযঃ ভোক্তুম্ ভৈক্ষ্যম্ অপি ইহ লোকে ।
হত্বা অর্থকামান্ তু গুরূন্ ইহ এব ভুঞ্জীয ভোগান্ রুধিরপ্রদিগ্ধান্ ॥৫॥
ন চ এতত্ বিদ্মঃ কতরত্ নঃ গরীযঃ যদ্বা জযেম যদি বা নঃ জযেযুঃ ।
যান্ এব হত্বা ন জিজীবিষামঃ তে অবস্থিতাঃ প্রমুখে ধার্তরাষ্ট্রাঃ ॥৬॥
কার্পণ্য-দোষ-উপহত-স্বভাবঃ পৃচ্ছামি ত্বাম্ ধর্ম-সম্মূঢ-চেতাঃ ।
যচ্ছ্রেযঃস্যাত্ নিশ্চিতম্ ব্রূহি তন্মে শিষ্যস্তেঽহং শাধি মাং ত্বাং প্রপন্নম্ ॥৭॥
ন হি প্রপশ্যামি মম অপনুদ্যাত্ যত্ শোকম্ উচ্ছোষণম্ ইন্দ্রিযাণাম্ ।
অবাপ্যভূমৌঅসপত্নম্ ঋদ্ধম্ রাজ্যম্ সুরাণাম্অপি চআধিপত্যম্ ॥৮॥
সঞ্জযঃ উবাচ ।
এবম্ উক্ত্বা হৃষীকেশম্ গুডাকেশঃ পরন্তপঃ ।
ন যোত্স্যে ইতি গোবিন্দম্ উক্ত্বা তূষ্ণীম্ বভূব হ ॥৯॥
তম্ উবাচ হৃষীকেশঃ প্রহসন্ ইব ভারত ।
সেনযোঃ উভযোঃ মধ্যে বিষীদন্তম্ ইদম্ বচঃ ॥১০॥
শ্রীভগবান্ উবাচ ।
অশোচ্যান্ অন্বশোচঃ ত্বম্ প্রজ্ঞা-বাদান্ চ ভাষসে ।
গতাসূন্ অগতাসূন্ চ ন অনুশোচন্তি পণ্ডিতাঃ ॥১১॥
ন তু এব অহম্ জাতু ন আসম্ ন ত্বম্ ন ইমে জনাধিপাঃ ।
ন চ এব ন ভবিষ্যামঃ সর্বে বযম্ অতঃ পরম্ ॥১২॥
দেহিনঃ অস্মিন্ যথা দেহে কৌমারম্ যৌবনম্ জরা ।
তথা দেহান্তর-প্রাপ্তিঃ ধীরঃ তত্র ন মুহ্যতি ॥১৩॥
মাত্রা-স্পর্শাঃ তু কৌন্তেয শীত-উষ্ণ-সুখ-দুঃখ-দাঃ ।
আগম অপাযিনঃ অনিত্যাঃ তান্ তিতিক্ষস্ব ভারত ॥১৪॥
যম্ হি ন ব্যথযন্তি এতে পুরুষম্ পুরুষ-ঋষভ ।
সম-দুঃখ-সুখম্ ধীরম্ সঃ অমৃতত্বায কল্পতে ॥১৫॥
ন অসতঃ বিদ্যতে ভাবঃ ন অভাবঃ বিদ্যতে সতঃ ।
উভযোঃ অপি দৃষ্টঃ অন্তঃ তু অনযোঃ তত্ত্ব-দর্শিভিঃ ॥১৬॥
অবিনাশি তু তত্ বিদ্ধি যেন সর্বম্ ইদম্ ততম্ ।
বিনাশম্ অব্যযস্য অস্য ন কশ্চিত্ কর্তুম্ অর্হতি ॥১৭॥
অন্তবন্তঃ ইমে দেহাঃ নিত্যস্য উক্তাঃ শরীরিণঃ ।
অনাশিনঃ অপ্রমেযস্য তস্মাত্ যুধ্যস্ব ভারত ॥১৮॥
যঃ এনম্ বেত্তি হন্তারম্ যঃ চ এনম্ মন্যতে হতম্
উভৌ তৌ ন বিজানীতঃ ন অযম্ হন্তি ন হন্যতে ॥১৯॥
ন জাযতে ম্রিযতে বা কদাচিত্ ন অযম্ ভূত্বা ভবিতা বা ন ভূযঃ ।
অজঃ নিত্যঃ শাশ্বতঃ অযম্ পুরাণঃ ন হন্যতে হন্যমানে শরীরে ॥২০॥
বেদ অবিনাশিনম্ নিত্যম্ যঃ এনম্ অজম্ অব্যযম্ ।
কথম্ সঃ পুরুষঃ পার্থ কম্ ঘাতযতি হন্তি কম্ ॥২১॥
বাসাংসি জীর্ণানি যথা বিহায নবানি গৃহ্ণাতি নরঃ অপরাণি ।
তথা শরীরাণি বিহায জীর্ণানি অন্যানি সংযাতি নবানি দেহী ॥২২॥
ন এনম্ ছিন্দন্তি শস্ত্রাণি ন এনম্ দহতি পাবকঃ ।
ন চ এনম্ ক্লেদযন্তি আপঃ ন শোষযতি মারুতঃ ॥২৩॥
অচ্ছেদ্যঃ অযম্ অদাহ্যঃ অযম্ অক্লেদ্যঃ অশোষ্যঃ এব চ ।
নিত্যঃ সর্বগতঃ স্থাণুঃ অচলঃ অযম্ সনাতনঃ ॥২৪॥
অব্যক্তঃ অযম্ অচিন্ত্যঃ অযম্ অবিকার্যঃ অযম্ উচ্যতে ।
তস্মাত্ এবম্ বিদিত্বা এনম্ ন অনুশোচিতুম্ অর্হসি ॥২৫॥
অথ চ এনম্ নিত্য-জাতম্ নিত্যম্ বা মন্যসে মৃতম্ ।
তথা অপি ত্বম্ মহা-বাহো ন এনম্ শোচিতুম্ অর্হসি ॥২৬॥
জাতস্য হি ধ্রুবঃ মৃত্যুঃ ধ্রুবম্ জন্ম মৃতস্য চ ।
তস্মাত্ অপরিহার্যে অর্থে ন ত্বম্ শোচিতুম্ অর্হসি ॥২৭॥
অব্যক্ত-আদীনি ভূতানি ব্যক্ত-মধ্যানি ভারত ।
অব্যক্ত-নিধনানি এব তত্র কা পরিদেবনা ॥২৮॥
আশ্চর্যবত্ পশ্যতি কশ্চিত্ এনম্ আশ্চর্যবত্ বদতি তথা এব চ অন্যঃ ।
আশ্চর্যবত্ চৈনংঅন্যঃশৃণোতি শ্রুত্বাঅপিএনম্ বেদ ন চৈব কশ্চিত্॥২৯॥
দেহী নিত্যম্ অবধ্যঃ অযম্ দেহে সর্বস্য ভারত ।
তস্মাত্ সর্বাণি ভূতানি ন ত্বম্ শোচিতুম্ অর্হসি ॥৩০॥
স্বধর্মম্ অপি চ অবেক্ষ্য ন বিকম্পিতুম্ অর্হসি ।
ধর্ম্যাত্ হি যুদ্ধাত্ শ্রেযঃ অন্যত্ ক্ষত্রিযস্য ন বিদ্যতে ॥৩১॥
যত্ ঋচ্ছযা চ উপপন্নং স্বর্গ-দ্বারম্ অপাবৃতম্ ।
সুখিনঃ ক্ষত্রিযাঃ পার্থ লভন্তে যুদ্ধম্ ঈদৃশম্ ॥৩২॥
অথ চেত্ ত্বম্ ইমম্ ধর্ম্যম্ সঙ্গ্রামম্ ন করিষ্যসি ।
ততঃ স্বধর্মম্ কীর্তিম্ চ হিত্বা পাপম্ অবাপ্স্যসি ॥৩৩॥
অকীর্তিম্ চ অপি ভূতানি কথযিষ্যন্তি তে অব্যযাম্ ।
সম্ভাবিতস্য চ অকীর্তিঃ মরণাত্ অতিরিচ্যতে ॥৩৪॥
ভযাত্ রণাত্ উপরতম্ মংস্যন্তে ত্বাম্ মহারথাঃ ।
যেষাম্ চ ত্বম্ বহু-মতঃ ভূত্বা যাস্যসি লাঘবম্ ॥৩৫॥
অবাচ্য-বাদান্ চ বহূন্ বদিষ্যন্তি তব অহিতাঃ ।
নিন্দন্তঃ তব সামর্থ্যম্ ততঃ দুঃখতরম্ নু কিম্ ॥৩৬॥
হতঃ বা প্রাপ্স্যসি স্বর্গম্ জিত্বা বা ভোক্ষ্যসে মহীম্ ।
তস্মাত্ উত্তিষ্ঠ কৌন্তেয যুদ্ধায কৃত-নিশ্চযঃ ॥৩৭॥
সুখ-দুঃখে সমে কৃত্বা লাভ-অলাভৌ জয-অজযৌ ।
ততঃ যুদ্ধায যুজ্যস্ব ন এবম্ পাপম্ অবাপ্স্যসি ॥৩৮॥
এষা তে অভিহিতা সাঙ্খ্যে বুদ্ধিঃ যোগে তু ইমাম্ শৃণু ।
বুদ্ধ্যা যুক্তঃ যযা পার্থ কর্ম-বন্ধম্ প্রহাস্যসি ॥৩৯॥
ন ইহ অভিক্রম-নাশঃ অস্তি প্রত্যবাযঃ ন বিদ্যতে ।
স্বল্পম্ অপি অস্য ধর্মস্য ত্রাযতে মহতঃ ভযাত্ ॥৪০॥
ব্যবসায-আত্মিকা বুদ্ধিঃ একা ইহ কুরু-নন্দন ।
বহু-শাখাঃ হি অনন্তাঃ চ বুদ্ধযঃ অব্যবসাযিনাম্ ॥৪১॥
যাম্ ইমাম্ পুষ্পিতাম্ বাচম্ প্রবদন্তি অবিপশ্চিতঃ ।
বেদ-বাদ-রতাঃ পার্থ ন অন্যত্ অস্তি ইতি বাদিনঃ ॥৪২॥
কাম-আত্মানঃ স্বর্গ-পরাঃ জন্ম-কর্ম-ফল-প্রদাম্ ।
ক্রিযা-বিশেষ-বহুলাম্ ভোগ-ঐশ্বর্য-গতিম্ প্রতি ॥৪৩॥
ভোগ-ঐশ্বর্য-প্রসক্তানাম্ তযা অপহৃত-চেতসাম্ ।
ব্যবসায-আত্মিকা বুদ্ধিঃ সমাধৌ ন বিধীযতে ॥৪৪॥
ত্রৈগুণ্য-বিষযাঃ বেদাঃ নিস্ত্রৈগুণ্যঃ ভবার্জুন ।
নির্দ্বন্দ্বঃ নিত্য-সত্ত্বস্থঃ নির্যোগক্ষেমঃ আত্মবান্ ॥৪৫॥
যাবান্ অর্থঃ উদপানে সর্বতঃ সম্প্লুতোদকে ।
তাবান্ সর্বেষু বেদেষু ব্রাহ্মণস্য বিজানতঃ ॥৪৬॥
কর্মণি এব অধিকারঃ তে মা ফলেষু কদাচন ।
মা কর্ম-ফল-হেতুঃ ভূঃ মা তে সঙ্গঃ অস্তু অকর্মণি ॥৪৭॥
যোগস্থঃ কুরু কর্মাণি সঙ্গম্ ত্যক্ত্বা ধনঞ্জয ।
সিদ্ধি অসিদ্ধ্যোঃ সমঃ ভূত্বা সমত্বম্ যোগঃ উচ্যতে ॥৪৮॥
দূরেণ হি অবরম্ কর্ম বুদ্ধি-যোগাত্ ধনঞ্জয ।
বুদ্ধৌ শরণম্ অন্বিচ্ছ কৃপণাঃ ফল-হেতবঃ ॥৪৯॥
বুদ্ধি-যুক্তঃ জহাতি ইহ উভে সুকৃত-দুষ্কৃতে ।
তস্মাত্ যোগায যুজ্যস্ব যোগঃ কর্মসু কৌশলম্ ॥৫০॥
কর্মজম্ বুদ্ধি-যুক্তাঃ হি ফলম্ ত্যক্ত্বা মনীষিণঃ ।
জন্ম-বন্ধ-বিনির্মুক্তাঃ পদম্ গচ্ছন্তি অনামযম্ ॥৫১॥
যদা তে মোহ-কলিলম্ বুদ্ধিঃ ব্যতিতরিষ্যতি ।
তদা গন্তাসি নির্বেদম্ শ্রোতব্যস্য শ্রুতস্য চ ॥৫২॥
শ্রুতি-বিপ্রতিপন্না তে যদা স্থাস্যতি নিশ্চলা ।
সমাধৌ অচলা বুদ্ধিঃ তদা যোগম্ অবাপ্স্যসি ॥৫৩॥
অর্জুনঃ উবাচ ।
স্থিতপ্রজ্ঞস্য কা ভাষা সমাধিস্থস্য কেশব ।
স্থিতধীঃ কিম্ প্রভাষেত কিম্ আসীত ব্রজেত কিম্ ॥৫৪॥
শ্রীভগবান্ উবাচ ।
প্রজহাতি যদা কামান্ সর্বান্ পার্থ মনোগতান্ ।
আত্মনি এব আত্মনা তুষ্টঃ স্থিতপ্রজ্ঞঃ তদা উচ্যতে ॥৫৫॥
দুঃখেষু অনুদ্বিগ্ন-মনাঃ সুখেষু বিগত-স্পৃহঃ ।
বীত-রাগ-ভয-ক্রোধঃ স্থিতধীঃ মুনিঃ উচ্যতে ॥৫৬॥
যঃ সর্বত্র অনভিস্নেহঃ তত্ তত্ প্রাপ্য শুভ-অশুভম্ ।
ন অভিনন্দতি ন দ্বেষ্টি তস্য প্রজ্ঞা প্রতিষ্ঠিতা ॥৫৭॥
যদা সংহরতে চ অযম্ কূর্মঃ অঙ্গানি ইব সর্বশঃ ।
ইন্দ্রিযাণি ইন্দ্রিয-অর্থেভ্যঃ তস্য প্রজ্ঞা প্রতিষ্ঠিতা ॥৫৮॥
বিষযাঃ বিনিবর্তন্তে নিরাহারস্য দেহিনঃ ।
রসবর্জম্ রসঃ অপি অস্য পরম্ দৃষ্ট্বা নিবর্ততে ॥৫৯॥
যততঃ হি অপি কৌন্তেয পুরুষস্য বিপশ্চিতঃ ।
ইন্দ্রিযাণি প্রমাথীনি হরন্তি প্রসভং মনঃ ॥৬০॥
তানি সর্বাণি সংযম্য যুক্তঃ আসীত মত্পরঃ ।
বশে হি যস্য ইন্দ্রিযাণি তস্য প্রজ্ঞা প্রতিষ্ঠিতা ॥৬১॥
ধ্যাযতঃ বিষযান্ পুংসঃ সঙ্গঃ তেষু উপজাযতে ।
সঙ্গাত্ সঞ্জাযতে কামঃ কামাত্ ক্রোধঃ অভিজাযতে ॥৬২॥
ক্রোধাত্ ভবতি সম্মোহঃ সম্মোহাত্ স্মৃতি-বিভ্রমঃ ।
স্মৃতি-ভ্রংশাত্ বুদ্ধি-নাশঃ বুদ্ধি-নাশাত্ প্রণশ্যতি ॥
রাগ-দ্বেষ-বিমুক্তৈঃ তু বিষযান্ ইন্দ্রিযৈঃ চরন্ ।
আত্ম-বশ্যৈঃ বিধেয-আত্মা প্রসাদম্ অধিগচ্ছতি ॥৬৪॥
প্রসাদে সর্ব-দুঃখানাম্ হানিঃ অস্য উপজাযতে ।
প্রসন্ন-চেতসঃ হি আশু বুদ্ধিঃ পর্যবতিষ্ঠতে ॥৬৫॥
ন অস্তি বুদ্ধিঃ অযুক্তস্য ন চ অযুক্তস্য ভাবনা ।
ন চ অভাবযতঃ শান্তিঃ অশান্তস্য কুতঃ সুখম্ ॥৬৬॥
ইন্দ্রিযাণাম্ হি চরতাম্ যত্ মনঃ অনুবিধীযতে ।
তত্ অস্য হরতি প্রজ্ঞাম্ বাযুঃ নাবম্ ইব অম্ভসি ॥৬৭॥
তস্মাত্ যস্য মহা-বাহো নিগৃহীতানি সর্বশঃ ।
ইন্দ্রিযাণি ইন্দ্রিয-অর্থেভ্যঃ তস্য প্রজ্ঞা প্রতিষ্ঠিতা ॥৬৮॥
যা নিশা সর্ব-ভূতানাম্ তস্যাম্ জাগর্তি সংযমী ।
যস্যাম্ জাগ্রতি ভূতানি সা নিশা পশ্যতঃ মুনেঃ ॥৬৯॥
আপূর্যমাণম্ অচল-প্রতিষ্ঠম্ সমুদ্রম্ আপঃ প্রবিশন্তি যদ্বত্ ।
তদ্বত্কামাঃ যম্ প্রবিশন্তি সর্বে সঃ শান্তিম্আপ্নোতি ন কামকামী ॥৭০॥
বিহায কামান্ যঃ সর্বান্ পুমান্ চরতি নিঃস্পৃহঃ ।
নির্মমঃ নিরহঙ্কারঃ সঃ শান্তিম্ অধিগচ্ছতি ॥৭১॥
এষা ব্রাহ্মী স্থিতিঃ পার্থ ন এনাম্ প্রাপ্য বিমুহ্যতি ।
স্থিত্বা অস্যাম্ অন্তকালে অপি ব্রহ্ম-নির্বাণম্ ঋচ্ছতি ॥৭২॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে সাঙ্খ্য-যোগঃ নাম দ্বিতীযঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ তৃতীযঃ অধ্যাযঃ । কর্ম-যোগঃ ।
অর্জুনঃ উবাচ ।
জ্যাযসী চেত্ কর্মণঃ তে মতা বুদ্ধিঃ জনার্দন ।
তত্ কিম্ কর্মণি ঘোরে মাম্ নিযোজযসি কেশব ॥১॥
ব্যামিশ্রেণ ইব বাক্যেন বুদ্ধিং মোহযসি ইব মে ।
তত্ একং বদ নিশ্চিত্য যেন শ্রেযঃ অহম্ আপ্নুযাম্ ॥২॥
শ্রীভগবান্ উবাচ ।
লোকে অস্মিন্ দ্বিবিধা নিষ্ঠা পুরা প্রোক্তা মযা অনঘ ।
জ্ঞান-যোগেন সাঙ্খ্যানাম্ কর্ম-যোগেন যোগিনাম্ ॥৩॥
ন কর্মণাম্ অনারম্ভাত্ নৈষ্কর্ম্যং পুরুষঃ অশ্নুতে ।
ন চ সংন্যসনাত্ এব সিদ্ধিম্ সমধিগচ্ছতি ॥৪॥
ন হি কশ্চিত্ ক্ষণম্ অপি জাতু তিষ্ঠতি অকর্মকৃত্ ।
কার্যতে হি অবশঃ কর্ম সর্বঃ প্রকৃতিজৈঃ গুণৈঃ ॥৫॥
কর্ম-ইন্দ্রিযাণি সংযম্য যঃ আস্তে মনসা স্মরন্ ।
ইন্দ্রিযার্থান্ বিমূঢাত্মা মিথ্যাচারঃ সঃ উচ্যতে ॥৬॥
যঃ তু ইন্দ্রিযাণি মনসা নিযম্য আরভতে অর্জুন ।
কর্ম-ইন্দ্রিযৈঃ কর্ম-যোগম্ অসক্তঃ সঃ বিশিষ্যতে ॥৭॥
নিযতম্ কুরু কর্ম ত্বং কর্ম জ্যাযঃ হি অকর্মণঃ ।
শরীর-যাত্রা অপি চ তে ন প্রসিদ্ধ্যেত্ অকর্মণঃ ॥৮॥
যজ্ঞার্থাত্ কর্মণঃ অন্যত্র লোকঃ অযম্ কর্ম-বন্ধনঃ ।
তত্ অর্থম্ কর্ম কৌন্তেয মুক্ত-সঙ্গঃ সমাচর ॥৯॥
সহ-যজ্ঞাঃ প্রজাঃ সৃষ্ট্বা পুরা উবাচ প্রজাপতিঃ ।
অনেন প্রসবিষ্যধ্বম্ এষঃ বঃ অস্তু ইষ্ট-কামধুক্ ॥১০॥
দেবান্ ভাবযত অনেন তে দেবাঃ ভাবযন্তু বঃ ।
পরস্পরং ভাবযন্তঃ শ্রেযঃ পরম্ অবাপ্স্যথ ॥১১॥
ইষ্টান্ ভোগান্ হি বঃ দেবাঃ দাস্যন্তে যজ্ঞ-ভাবিতাঃ ।
তৈঃ দত্তান্ অপ্রদায এভ্যঃ যঃ ভুঙ্ক্তে স্তেনঃ এব সঃ ॥১২॥
যজ্ঞ-শিষ্ট আশিনঃ সন্তঃ মুচ্যন্তে সর্ব-কিল্বিষৈঃ ।
ভুঞ্জতে তে তু অঘং পাপাঃ যে পচন্তি আত্ম-কারণাত্ ॥১৩॥
অন্নাত্ ভবন্তি ভূতানি পর্জন্যাত্ অন্ন-সম্ভবঃ ।
যজ্ঞাত্ ভবতি পর্জন্যঃ যজ্ঞঃ কর্ম-সমুদ্ভবঃ ॥১৪॥
কর্ম ব্রহ্ম-উদ্ভবং বিদ্ধি ব্রহ্ম অক্ষর-সমুদ্ভবম্ ।
তস্মাত্ সর্বগতং ব্রহ্ম নিত্যং যজ্ঞে প্রতিষ্ঠিতম্ ॥১৫॥
এবং প্রবর্তিতম্ চক্রম্ ন অনুবর্তযতি ইহ যঃ ।
অঘাযুঃ ইন্দ্রিয-আরামঃ মোঘম্ পার্থ সঃ জীবতি ॥১৬॥
যঃ তু আত্ম-রতিঃ এব স্যাত্ আত্ম-তৃপ্তঃ চ মানবঃ ।
আত্মনি এব চ সন্তুষ্টঃ তস্য কার্যম্ ন বিদ্যতে ॥১৭॥
ন এব তস্য কৃতেন অর্থঃ ন অকৃতেন ইহ কশ্চন ।
ন চ অস্য সর্ব-ভূতেষু কশ্চিত্ অর্থ-ব্যপাশ্রযঃ ॥১৮॥
তস্মাত্ অসক্তঃ সততম্ কার্যম্ কর্ম সমাচর ।
অসক্তঃ হি আচরন্ কর্ম পরম্ আপ্নোতি পূরুষঃ ॥১৯॥
কর্মণা এব হি সংসিদ্ধিম্ আস্থিতাঃ জনক-আদযঃ ।
লোক-সংগ্রহম্ এব অপি সম্পশ্যন্ কর্তুম্ অর্হসি ॥২০॥
যত্ যত্ আচরতি শ্রেষ্ঠঃ তত্ তত্ এব ইতরঃ জনঃ ।
সঃ যত্ প্রমাণম্ কুরুতে লোকঃ তত্ অনুবর্ততে ॥২১॥
ন মে পার্থ অস্তি কর্তব্যম্ ত্রিষু লোকেষু কিঞ্চন ।
ন অনবাপ্তম্ অবাপ্তব্যম্ বর্তে এব চ কর্মণি ॥২২॥
যদি হি অহং ন বর্তেযম্ জাতু কর্মণি অতন্দ্রিতঃ ।
মম বর্ত্ম অনুবর্তন্তে মনুষ্যাঃ পার্থ সর্বশঃ ॥২৩॥
উত্সীদেযুঃ ইমে লোকাঃ ন কুর্যাম্ কর্ম চেত্ অহম্ ।
সঙ্করস্য চ কর্তা স্যাম্ উপহন্যাম্ ইমাঃ প্রজাঃ ॥২৪॥
সক্তাঃ কর্মণি অবিদ্বাংসঃ যথা কুর্বন্তি ভারত ।
কুর্যাত্ বিদ্বান্ তথা অসক্তঃ চিকীর্ষুঃ লোক-সংগ্রহম্ ॥২৫॥
ন বুদ্ধি-ভেদম্ জনযেত্ অজ্ঞানাম্ কর্ম-সঙ্গিনাম্ ।
জোষযেত্ সর্ব-কর্মাণি বিদ্বান্ যুক্তঃ সমাচরন্ ॥২৬॥
প্রকৃতেঃ ক্রিযমাণানি গুণৈঃ কর্মাণি সর্বশঃ ।
অহঙ্কার-বিমূঢ-আত্মা কর্তা অহম্ ইতি মন্যতে ॥২৭॥
তত্ত্ববিত্ তু মহাবাহো গুণ-কর্ম-বিভাগযোঃ ।
গুণাঃ গুণেষু বর্তন্তে ইতি মত্বা ন সজ্জতে ॥২৮॥
প্রকৃতেঃ গুণ-সম্মূঢাঃ সজ্জন্তে গুণ-কর্মসু ।
তান্ অকৃত্স্নবিদঃ মন্দান্ কৃত্স্নবিত্ ন বিচালযেত্ ॥২৯॥
মযি সর্বাণি কর্মাণি সংন্যস্য অধ্যাত্ম-চেতসা ।
নিরাশীঃ নির্মমঃ ভূত্বা যুধ্যস্ব বিগত-জ্বরঃ ॥৩০॥
যে মে মতম্ ইদম্ নিত্যম্ অনুতিষ্ঠন্তি মানবাঃ ।
শ্রদ্ধাবন্তঃ অনসূযন্তঃ মুচ্যন্তে তে অপি কর্মভিঃ ॥৩১॥
যে তু এতত্ অভ্যসূযন্তঃ ন অনুতিষ্ঠন্তি মে মতম্ ।
সর্ব-জ্ঞান-বিমূঢান্ তান্ বিদ্ধি নষ্টান্ অচেতসঃ ॥৩২॥
সদৃশম্ চেষ্টতে স্বস্যাঃ প্রকৃতেঃ জ্ঞানবান্ অপি ।
প্রকৃতিম্ যান্তি ভূতানি নিগ্রহঃ কিম্ করিষ্যতি ॥৩৩॥
ইন্দ্রিযস্য ইন্দ্রিযস্য-অর্থে রাগ-দ্বেষৌ ব্যবস্থিতৌ ।
তযোঃ ন বশম্ আগচ্ছেত্ তৌ হি অস্য পরিপন্থিনৌ ॥৩৪॥
শ্রেযান্ স্বধর্মঃ বিগুণঃ পরধর্মাত্ স্বনুষ্ঠিতাত্ ।
স্বধর্মে নিধনম্ শ্রেযঃ পরধর্মঃ ভয-আবহঃ ॥৩৫॥
অর্জুনঃ উবাচ ।
অথ কেন প্রযুক্তঃ অযং পাপম্ চরতি পূরুষঃ ।
অনিচ্ছন্ অপি বার্ষ্ণেয বলাত্ ইব নিযোজিতঃ ॥৩৬॥
শ্রীভগবান্ উবাচ ।
কামঃ এষঃ ক্রোধঃ এষঃ রজঃ গুণ-সমুদ্ভবঃ ।
মহা-অশনঃ মহা-পাপ্মা বিদ্ধি এনম্ ইহ বৈরিণম্ ॥৩৭॥
ধূমেন আব্রিযতে বহ্নিঃ যথা আদর্শঃ মলেন চ ।
যথা উল্বেন আবৃতঃ গর্ভঃ তথা তেন ইদম্ আবৃতম্ ॥৩৮॥
আবৃতম্ জ্ঞানম্ এতেন জ্ঞানিনঃ নিত্যবৈরিণা ।
কামরূপেণ কৌন্তেয দুষ্পূরেণ অনলেন চ ॥৩৯॥
ইন্দ্রিযাণি মনঃ বুদ্ধিঃ অস্য অধিষ্ঠানম্ উচ্যতে ।
এতৈঃ বিমোহযতি এষঃ জ্ঞানম্ আবৃত্য দেহিনম্ ॥৪০॥
তস্মাত্ ত্বম্ ইন্দ্রিযাণি আদৌ নিযম্য ভরতর্ষভ ।
পাপ্মানম্ প্রজহি হি এনং জ্ঞান-বিজ্ঞান-নাশনম্ ॥৪১॥
ইন্দ্রিযাণি পরাণি আহুঃ ইন্দ্রিযেভ্যঃ পরম্ মনঃ ।
মনসঃ তু পরা বুদ্ধিঃ যঃ বুদ্ধেঃ পরতঃ তু সঃ ॥৪২॥
এবম্ বুদ্ধেঃ পরম্ বুদ্ধ্বা সংস্তভ্য আত্মানম্ আত্মনা ।
জহি শত্রুম্ মহাবাহো কাম-রূপম্ দুরাসদম্ ॥৪৩॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে কর্ম-যোগঃ নাম তৃতীযঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ চতুর্থ অধ্যাযঃ । জ্ঞান-কর্ম-সংন্যাস-যোগঃ ।
শ্রীভগবান্ উবাচ ।
ইমম্ বিবস্বতে যোগম্ প্রোক্তবান্ অহম্ অব্যযম্ ।
বিবস্বান্ মনবে প্রাহ মনুঃ ইক্ষ্বাকবে অব্রবীত্ ॥১॥
এবম্ পরম্পরা-প্রাপ্তম্ ইমম্ রাজর্ষযঃ বিদুঃ ।
সঃ কালেন ইহ মহতা যোগঃ নষ্টঃ পরন্তপ ॥২॥
সঃ এব অযম্ মযা তে অদ্য যোগঃ প্রোক্তঃ পুরাতনঃ ।
ভক্তঃ অসি মে সখা চ ইতি রহস্যম্ হি এতত্ উত্তমম্ ॥৩॥
অর্জুনঃ উবাচ ।
অপরম্ ভবতঃ জন্ম পরম্ জন্ম বিবস্বতঃ ।
কথম্ এতত্ বিজানীযাম্ ত্বম্ আদৌ প্রোক্তবান্ ইতি ॥৪॥
শ্রীভগবান্ উবাচ ।
বহূনি মে ব্যতীতানি জন্মানি তব চ অর্জুন ।
তানি অহম্ বেদ সর্বাণি ন ত্বম্ বেত্থ পরন্তপ ॥৫॥
অজঃ অপি সন্ অব্যয-আত্মা ভূতানাম্ ঈশ্বরঃ অপি সন্ ।
প্রকৃতিম্ স্বাম্ অধিষ্ঠায সম্ভবামি আত্ম-মাযযা ॥৬॥
যদা যদা হি ধর্মস্য গ্লানিঃ ভবতি ভারত ।
অভ্যুত্থানম্ অধর্মস্য তদা আত্মানম্ সৃজামি অহম্ ॥৭॥
পরিত্রাণায সাধূনাম্ বিনাশায চ দুষ্কৃতাম্ ।
ধর্ম-সংস্থাপন-অর্থায সম্ভবামি যুগে যুগে ॥৮॥
জন্ম কর্ম চ মে দিব্যম্ এবম্ যঃ বেত্তি তত্ত্বতঃ ।
ত্যক্ত্বা দেহম্ পুনঃ জন্ম ন এতি মাম্ এতি সঃ অর্জুন ॥৯॥
বীত-রাগ-ভয-ক্রোধাঃ মন্মযাঃ মাম্ উপাশ্রিতাঃ ।
বহবঃ জ্ঞান-তপসা পূতাঃ মদ্ভাবম্ আগতাঃ ॥১০॥
যে যথা মাম্ প্রপদ্যন্তে তান্ তথা এব ভজামি অহম্ ।
মম বর্ত্ম অনুবর্তন্তে মনুষ্যাঃ পার্থ সর্বশঃ ॥১১॥
কাঙ্ক্ষন্তঃ কর্মণাম্ সিদ্ধিম্ যজন্তে ইহ দেবতাঃ ।
ক্ষিপ্রম্ হি মানুষে লোকে সিদ্ধিঃ ভবতি কর্মজা ॥১২॥
চাতুর্বর্ণ্যম্ মযা সৃষ্টম্ গুণ-কর্ম-বিভাগশঃ ।
তস্য কর্তারম্ অপি মাম্ বিদ্ধি অকর্তারম্ অব্যযম্ ॥১৩॥
ন মাম্ কর্মাণি লিম্পন্তি ন মে কর্ম-ফলে স্পৃহা ।
ইতি মাম্ যঃ অভিজানাতি কর্মভিঃ ন স বধ্যতে ॥১৪॥
এবম্ জ্ঞাত্বা কৃতম্ কর্ম পূর্বৈঃ অপি মুমুক্ষুভিঃ ।
কুরু কর্ম এব তস্মাত্ ত্বম্ পূর্বৈঃ পূর্বতরম্ কৃতম্ ॥১৫॥
কিম্ কর্ম কিম্ অকর্ম ইতি কবযঃ অপি অত্র মোহিতাঃ ।
তত্ তে কর্ম প্রবক্ষ্যামি যত্ জ্ঞাত্বা মোক্ষ্যসে অশুভাত্ ॥১৬॥
কর্মণঃ হি অপি বোদ্ধব্যম্ বোদ্ধব্যম্ চ বিকর্মণঃ ।
অকর্মণঃ চ বোদ্ধব্যম্ গহনা কর্মণঃ গতিঃ ॥১৭॥
কর্মণি অকর্ম যঃ পশ্যেত্ অকর্মণি চ কর্ম যঃ ।
সঃ বুদ্ধিমান্ মনুষ্যেষু সঃ যুক্তঃ কৃত্স্ন-কর্ম-কৃত্ ॥১৮॥
যস্য সর্বে সমারম্ভাঃ কাম-সঙ্কল্প-বর্জিতাঃ ।
জ্ঞান-অগ্নি-দগ্ধ-কর্মাণম্ তম্ আহুঃ পণ্ডিতম্ বুধাঃ ॥১৯॥
ত্যক্ত্বা কর্ম-ফল-আসঙ্গম্ নিত্য-তৃপ্তঃ নিরাশ্রযঃ ।
কর্মণি অভিপ্রবৃত্তঃ অপি ন এব কিঞ্চিত্ করোতি সঃ ॥২০॥
নিরাশীঃ যত-চিত্ত-আত্মা ত্যক্ত-সর্ব-পরিগ্রহঃ ।
শারীরম্ কেবলম্ কর্ম কুর্বন্ ন আপ্নোতি কিল্বিষম্ ॥২১॥
যদৃচ্ছা-লাভ-সন্তুষ্টঃ দ্বন্দ্ব-অতীতঃ বিমত্সরঃ ।
সমঃ সিদ্ধৌ অসিদ্ধৌ চ কৃত্বা অপি ন নিবধ্যতে ॥২২॥
গত-সঙ্গস্য মুক্তস্য জ্ঞান-অবস্থিত-চেতসঃ ।
যজ্ঞায আচরতঃ কর্ম সমগ্রম্ প্রবিলীযতে ॥২৩॥
ব্রহ্ম-অর্পণং ব্রহ্ম হবিঃ ব্রহ্ম-অগ্নৌ ব্রহ্মণা হুতম্ ।
ব্রহ্ম এব তেন গন্তব্যম্ ব্রহ্ম-কর্ম-সমাধিনা ॥২৪॥
দৈবম্ এব অপরে যজ্ঞম্ যোগিনঃ পর্যুপাসতে ।
ব্রহ্ম-অগ্নৌ অপরে যজ্ঞং যজ্ঞেন এব উপজুহ্বতি ॥২৫॥
শ্রোত্র-আদীনি ইন্দ্রিযাণি অন্যে সংযম-অগ্নিষু জুহ্বতি ।
শব্দ-আদীন্ বিষযান্ অন্যে ইন্দ্রিয-অগ্নিষু জুহ্বতি ॥২৬॥
সর্বাণি ইন্দ্রিয-কর্মাণি প্রাণ-কর্মাণি চ অপরে ।
আত্ম-সংযম-যোগ-অগ্নৌ জুহ্বতি জ্ঞান-দীপিতে ॥২৭॥
দ্রব্য-যজ্ঞাঃ তপো-যজ্ঞাঃ যোগ-যজ্ঞাঃ তথা অপরে ।
স্বাধ্যায-জ্ঞান-যজ্ঞাঃ চ যতযঃ সংশিতব্রতাঃ ॥২৮॥
অপানে জুহ্বতি প্রাণম্ প্রাণে অপানম্ তথা অপরে ।
প্রাণ-অপান-গতী রুদ্ধ্বা প্রাণাযাম-পরাযণাঃ ॥২৯॥
অপরে নিযত-আহারাঃ প্রাণান্ প্রাণেষু জুহ্বতি ।
সর্বে অপি এতে যজ্ঞবিদঃ যজ্ঞ-ক্ষপিত-কল্মষাঃ ॥৩০॥
যজ্ঞ-শিষ্ট-অমৃত-ভুজঃ যান্তি ব্রহ্ম সনাতনম্ ।
নাযম্ লোকঃ অস্তি অযজ্ঞস্য কুতঃ অন্যঃ কুরুসত্তম ॥৩১॥
এবম্ বহুবিধাঃ যজ্ঞাঃ বিততাঃ ব্রহ্মণঃ মুখে ।
কর্মজান্ বিদ্ধি তান্ সর্বান্ এবম্ জ্ঞাত্বা বিমোক্ষ্যসে ॥৩২॥
শ্রেযান্ দ্রব্যমযাত্ যজ্ঞাত্ জ্ঞান-যজ্ঞঃ পরন্তপ ।
সর্বম্ কর্ম-অখিলম্ পার্থ জ্ঞানে পরিসমাপ্যতে ॥৩৩॥
তত্ বিদ্ধি প্রণিপাতেন পরিপ্রশ্নেন সেবযা ।
উপদেক্ষ্যন্তি তে জ্ঞানম্ জ্ঞানিনঃ তত্ত্ব-দর্শিনঃ ॥৩৪॥
যত্ জ্ঞাত্বা ন পুনঃ মোহম্ এবম্ যাস্যসি পাণ্ডব ।
যেন ভূতানি অশেষেণ দ্রক্ষ্যসি আত্মনি অথো মযি ॥৩৫॥
অপি চেত্ অসি পাপেভ্যঃ সর্বেভ্যঃ পাপ-কৃত্তমঃ ।
সর্বম্ জ্ঞান-প্লবেন এব বৃজিনম্ সন্তরিষ্যসি ॥৩৬॥
যথা এধাংসি সমিদ্ধঃ অগ্নিঃ ভস্মসাত্ কুরুতে অর্জুন ।
জ্ঞান-অগ্নিঃ সর্ব-কর্মাণি ভস্মসাত্ কুরুতে তথা ॥৩৭॥
ন হি জ্ঞানেন সদৃশম্ পবিত্রম্ ইহ বিদ্যতে ।
তত্ স্বযং যোগ-সংসিদ্ধঃ কালেন আত্মনি বিন্দতি ॥৩৮॥
শ্রদ্ধাবান্ লভতে জ্ঞানম্ তত্পরঃ সংযত-ইন্দ্রিযঃ ।
জ্ঞানম্ লব্ধ্বা পরাম্ শান্তিম্ অচিরেণাধিগচ্ছতি ॥৩৯॥
অজ্ঞঃ চ অশ্রদ্দধানঃ চ সংশয-আত্মা বিনশ্যতি ।
ন অযং লোকঃ অস্তি ন পরঃ ন সুখং সংশযাত্মনঃ ॥৪০॥
যোগ-সংন্যস্তকর্মাণং জ্ঞানসঞ্ছিন্নসংশযম্ ।
আত্মবন্তং ন কর্মাণি নিবধ্নন্তি ধনঞ্জয ॥৪১॥
তস্মাত্ অজ্ঞান-সম্ভূতম্ হৃত্স্থম্ জ্ঞান-অসিনা-আত্মনঃ ।
ছিত্ত্বা এনম্ সংশযম্ যোগম্ আতিষ্ঠ উত্তিষ্ঠ ভারত ॥৪২॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে জ্ঞান-কর্ম-সংন্যাস-যোগঃ নাম চতুর্থ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ পঞ্চমঃ অধ্যাযঃ । সংন্যাস-যোগঃ ।
অর্জুনঃ উবাচ ।
সংন্যাসম্ কর্মণাম্ কৃষ্ণ পুনঃ যোগম্ চ শংসসি ।
যত্ শ্রেযঃ এতযোঃ একম্ তত্ মে ব্রূহি সুনিশ্চিতম্ ॥১॥
শ্রীভগবান্ উবাচ ।
সংন্যাসঃ কর্ম-যোগঃ চ নিঃশ্রেযসকরৌ উভৌ ।
তযোঃ তু কর্ম-সংন্যাসাত্ কর্ম-যোগঃ বিশিষ্যতে ॥২॥
জ্ঞেযঃ সঃ নিত্য-সংন্যাসী যঃ ন দ্বেষ্টি ন কাঙ্ক্ষতি ।
নির্দ্বন্দ্বঃ হি মহাবাহো সুখম্ বন্ধাত্ প্রমুচ্যতে ॥৩॥
সাঙ্খ্য-যোগৌ পৃথক্ বালাঃ প্রবদন্তি ন পণ্ডিতাঃ ।
একম্ অপি আস্থিতঃ সম্যক্ উভযোঃ বিন্দতে ফলম্ ॥৪॥
যত্ সাঙ্খ্যৈঃ প্রাপ্যতে স্থানম্ তত্ যোগৈঃ অপি গম্যতে ।
একম্ সাঙ্খ্যম্ চ যোগম্ চ যঃ পশ্যতি স পশ্যতি ॥৫॥
সংন্যাসঃ তু মহাবাহো দুঃখম্ আপ্তুম্ অযোগতঃ ।
যোগ-যুক্তঃ মুনিঃ ব্রহ্ম নচিরেণ অধিগচ্ছতি ॥৬॥
যোগ-যুক্তঃ বিশুদ্ধ-আত্মা বিজিত-আত্মা জিত-ইন্দ্রিযঃ ।
সর্ব-ভূত-আত্ম-ভূত-আত্মা কুর্বন্ অপি ন লিপ্যতে ॥৭॥
ন এব কিঞ্চিত্ করোমি ইতি যুক্তঃ মন্যেত তত্ত্ববিত্ ।
পশ্যন্ শৃণ্বন্ স্পৃশন্ জিঘ্রন্ অশ্নন্ গচ্ছন্ স্বপঞ্ শ্বসন্ ॥৮॥
প্রলপন্ বিসৃজন্ গৃহ্ণন্ উন্মিষন্ নিমিষন্ অপি ।
ইন্দ্রিযাণি ইন্দ্রিয-অর্থেষু বর্তন্তে ইতি ধারযন্ ॥৯॥
ব্রহ্মণি আধায কর্মাণি সঙ্গম্ ত্যক্ত্বা করোতি যঃ ।
লিপ্যতে ন সঃ পাপেন পদ্ম-পত্রম্ ইব অম্ভসা ॥১০॥
কাযেন মনসা বুদ্ধ্যা কেবলৈঃ ইন্দ্রিযৈঃ অপি ।
যোগিনঃ কর্ম কুর্বন্তি সঙ্গম্ ত্যক্ত্বা আত্ম-শুদ্ধযে ॥১১॥
যুক্তঃ কর্ম-ফলং ত্যক্ত্বা শান্তিম্ আপ্নোতি নৈষ্ঠিকীম্ ।
অযুক্তঃ কামকারেণ ফলে সক্তঃ নিবধ্যতে ॥১২॥
সর্ব-কর্মাণি মনসা সংন্যস্য আস্তে সুখম্ বশী ।
নব-দ্বারে পুরে দেহী ন এব কুর্বন্ ন কারযন্ ॥১৩॥
ন কর্তৃত্বম্ ন কর্মাণি লোকস্য সৃজতি প্রভুঃ ।
ন কর্ম-ফল-সংযোগম্ স্বভাবঃ তু প্রবর্ততে ॥১৪॥
ন আদত্তে কস্যচিত্ পাপং ন চ এব সুকৃতং বিভুঃ ।
অজ্ঞানেন আবৃতম্ জ্ঞানম্ তেন মুহ্যন্তি জন্তবঃ ॥১৫॥
জ্ঞানেন তু তত্ অজ্ঞানম্ যেষাম্ নাশিতম্ আত্মনঃ ।
তেষাম্ আদিত্যবত্ জ্ঞানম্ প্রকাশযতি তত্ পরম্ ॥১৬॥
তত্ বুদ্ধযঃ তত্ আত্মানঃ তত্ নিষ্ঠাঃ তত্ পরাযণাঃ ।
গচ্ছন্তি অপুনরাবৃত্তিম্ জ্ঞান-নির্ধূত-কল্মষাঃ ॥১৭॥
বিদ্যা-বিনয-সম্পন্নে ব্রাহ্মণে গবি হস্তিনি ।
শুনি চ এব শ্বপাকে চ পণ্ডিতাঃ সম-দর্শিনঃ ॥১৮॥
ইহ এব তৈঃ জিতঃ সর্গঃ যেষাম্ সাম্যে স্থিতম্ মনঃ ।
নির্দোষম্ হি সমম্ ব্রহ্ম তস্মাত্ ব্রহ্মণি তে স্থিতাঃ ॥১৯॥
ন প্রহৃষ্যেত্ প্রিযম্ প্রাপ্য ন উদ্বিজেত্ প্রাপ্য চ অপ্রিযম্ ।
স্থির-বুদ্ধিঃ অসম্মূঢঃ ব্রহ্মবিত্ ব্রহ্মণি স্থিতঃ ॥২০॥
বাহ্য-স্পর্শেষু অসক্ত-আত্মা বিন্দতি আত্মনি যত্ সুখম্ ।
সঃ ব্রহ্ম-যোগ-যুক্তাত্মা সুখম্ অক্ষযম্ অশ্নুতে ॥২১॥
যে হি সংস্পর্শজাঃ ভোগাঃ দুঃখ-যোনযঃ এব তে ।
আদি অন্তবন্তঃ কৌন্তেয ন তেষু রমতে বুধঃ ॥২২॥
শক্নোতি ইহ এব যঃ সোঢুম্ প্রাক্ শরীর-বিমোক্ষণাত্ ।
কাম-ক্রোধ-উদ্ভবম্ বেগম্ সঃ যুক্তঃ সঃ সুখী নরঃ ॥২৩॥
যঃ অন্তঃ-সুখঃ অন্তর-আরামঃ তথা অন্তর্-জ্যোতিঃ এব যঃ ।
সঃ যোগী ব্রহ্ম-নির্বাণম্ ব্রহ্ম-ভূতঃ অধিগচ্ছতি ॥২৪॥
লভন্তে ব্রহ্ম-নির্বাণম্ ঋষযঃ ক্ষীণ-কল্মষাঃ ।
ছিন্ন-দ্বৈধাঃ যত-আত্মানঃ সর্ব-ভূতহিতে রতাঃ ॥২৫॥
কাম-ক্রোধ-বিযুক্তানাম্ যতীনাম্ যত-চেতসাম্ ।
অভিতঃ ব্রহ্ম-নির্বাণং বর্ততে বিদিত-আত্মনাম্ ॥২৬॥
স্পর্শান্ কৃত্বা বহিঃ বাহ্যান্ চক্ষুঃ চ এব অন্তরে ভ্রুবোঃ ।
প্রাণ-অপানৌ সমৌ কৃত্বা নাস-অভ্যন্তর-চারিণৌ ॥২৭॥
যত-ইন্দ্রিয-মনঃ বুদ্ধিঃ মুনিঃ মোক্ষ-পরাযণঃ ।
বিগত-ইচ্ছা-ভয-ক্রোধঃ যঃ সদা মুক্তঃ এব সঃ ॥২৮॥
ভোক্তারম্ যজ্ঞ-তপসাম্ সর্ব-লোক-মহেশ্বরম্ ।
সুহৃদম্ সর্ব-ভূতানাম্ জ্ঞাত্বা মাং শান্তিম্ ঋচ্ছতি ॥২৯॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে সংন্যাস-যোগঃ নাম পঞ্চমঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ ষষ্ঠঃ অধ্যাযঃ । আত্ম-সংযম-যোগঃ ।
শ্রীভগবান্ উবাচ ।
অনাশ্রিতঃ কর্ম-ফলম্ কার্যম্ কর্ম করোতি যঃ ।
সঃ সংন্যাসী চ যোগী চ ন নিরগ্নিঃ ন চ অক্রিযঃ ॥১॥
যম্ সংন্যাসম্ ইতি প্রাহুঃ যোগম্ তম্ বিদ্ধি পাণ্ডব ।
ন হি অসংন্যস্ত-সঙ্কল্পঃ যোগী ভবতি কশ্চন ॥২॥
আরুরুক্ষোঃ মুনেঃ যোগম্ কর্ম কারণম্ উচ্যতে ।
যোগ-আরূঢস্য তস্য এব শমঃ কারণম্ উচ্যতে ॥৩॥
যদা হি ন ইন্দ্রিয-অর্থেষু ন কর্মসু অনুষজ্জতে ।
সর্ব-সঙ্কল্প-সংন্যাসী যোগ-আরূঢঃ তদা উচ্যতে ॥৪॥
উদ্ধরেত্ আত্মনা আত্মানম্ ন আত্মানম্ অবসাদযেত্ ।
আত্মা এব হি আত্মনঃ বন্ধুঃ আত্মা এব রিপুঃ আত্মনঃ ॥৫॥
বন্ধুঃ আত্মা আত্মনঃ তস্য যেন আত্মা এব আত্মনা জিতঃ ।
অনাত্মনঃ তু শত্রুত্বে বর্তেত আত্মা এব শত্রুবত্ ॥৬॥
জিত-আত্মনঃ প্রশান্তস্য পরমাত্মা সমাহিতঃ ।
শীত-উষ্ণ-সুখ-দুঃখেষু তথা মান-অপমানযোঃ ॥৭॥
জ্ঞান-বিজ্ঞান-তৃপ্ত-আত্মা কূটস্থঃ বিজিত-ইন্দ্রিযঃ ।
যুক্তঃ ইতি উচ্যতে যোগী সম-লোষ্ট-অশ্ম-কাঞ্চনঃ ॥৮॥
সুহৃত্ মিত্র-অরি-উদাসীন-মধ্যস্থ-দ্বেষ্য-বন্ধুষু ।
সাধুষু অপি চ পাপেষু সম-বুদ্ধিঃ বিশিষ্যতে ॥৯॥
যোগী যুঞ্জীত সততম্ আত্মানম্ রহসি স্থিতঃ ।
একাকী যত-চিত্ত-আত্মা নিরাশীঃ অপরিগ্রহঃ ॥১০॥
শুচৌ দেশে প্রতিষ্ঠাপ্য স্থিরম্ আসনম্ আত্মনঃ ।
ন অতি-উচ্ছ্রিতম্ ন অতি-নীচম্ চৈল-অজিন-কুশ-উত্তরম্ ॥১১॥
তত্র একাগ্রম্ মনঃ কৃত্বা যত-চিত্ত-ইন্দ্রিয-ক্রিযঃ ।
উপবিশ্য আসনে যুঞ্জ্যাত্ যোগম্ আত্ম-বিশুদ্ধযে ॥১২॥
সমম্ কায-শিরঃ-গ্রীবম্ ধারযন্ অচলম্ স্থিরঃ ।
সম্প্রেক্ষ্য নাসিক-অগ্রং স্বম্ দিশঃ চ অনবলোকযন্ ॥১৩॥
প্রশান্ত-আত্মা বিগত-ভীঃ ব্রহ্মচারি-ব্রতে স্থিতঃ ।
মনঃ সংযম্য মত্-চিত্তঃ যুক্তঃ আসীত মত্-পরঃ ॥১৪॥
যুঞ্জন্ এবং সদা আত্মানম্ যোগী নিযত-মানসঃ ।
শান্তিম্ নির্বাণ-পরমাম্ মত্-সংস্থাম্ অধিগচ্ছতি ॥১৫॥
ন অতি অশ্নতঃ তু যোগঃ অস্তি ন চ একান্তম্ অনশ্নতঃ ।
ন চ অতি-স্বপ্ন-শীলস্য জাগ্রতঃ ন এব চ অর্জুন ॥১৬॥
যুক্ত-আহার-বিহারস্য যুক্ত-চেষ্টস্য কর্মসু ।
যুক্ত-স্বপ্ন-অববোধস্য যোগঃ ভবতি দুঃখহা ॥১৭॥
যদা বিনিযতম্ চিত্তম্ আত্মনি এব অবতিষ্ঠতে ।
নিঃস্পৃহঃ সর্ব-কামেভ্যঃ যুক্তঃ ইতি উচ্যতে তদা ॥১৮॥
যথা দীপঃ নিবাতস্থঃ নেঙ্গতে সোপমা স্মৃতা ।
যোগিনঃ যত-চিত্তস্য যুঞ্জতঃ যোগম্ আত্মনঃ ॥১৯॥
যত্র উপরমতে চিত্তম্ নিরুদ্ধম্ যোগ-সেবযা ।
যত্র চ এব আত্মনা আত্মানম্ পশ্যন্ আত্মনি তুষ্যতি ॥২০॥
সুখম্ আত্যন্তিকম্ যত্ তত্ বুদ্ধি-গ্রাহ্যম্-অতীন্দ্রিযম্ ।
বেত্তি যত্র ন চ এব অযম্ স্থিতঃ চলতি তত্ত্বতঃ ॥২১॥
যম্ লব্ধ্বা চ অপরম্ লাভম্ মন্যতে ন অধিকম্ ততঃ ।
যস্মিন্ স্থিতঃ ন দুঃখেন গুরুণা অপি বিচাল্যতে ॥২২॥
তম্ বিদ্যাত্ দুঃখ-সংযোগ-বিযোগম্ যোগ-সংজ্ঞিতম্ ।
সঃ নিশ্চযেন যোক্তব্যঃ যোগঃ অনির্বিণ্ণ-চেতসা ॥২৩॥
সঙ্কল্প-প্রভবান্ কামান্ ত্যক্ত্বা সর্বান্ অশেষতঃ ।
মনসা এব ইন্দ্রিয-গ্রামম্ বিনিযম্য সমন্ততঃ ॥২৪॥
শনৈঃ শনৈঃ উপরমেত্ বুদ্ধ্যা ধৃতি-গৃহীতযা ।
আত্ম-সংস্থম্ মনঃ কৃত্বা ন কিঞ্চিত্ অপি চিন্তযেত্ ॥২৫॥
যতঃ যতঃ নিশ্চরতি মনঃ চঞ্চলম্ অস্থিরম্ ।
ততঃ ততঃ নিযম্য এতত্ আত্মনি এব বশং নযেত্ ॥২৬॥
প্রশান্ত-মনসম্ হি এনম্ যোগিনম্ সুখম্ উত্তমম্ ।
উপৈতি শান্ত-রজসম্ ব্রহ্ম-ভূতম্ অকল্মষম্ ॥২৭॥
যুঞ্জন্ এবম্ সদা আত্মানম্ যোগী বিগত-কল্মষঃ ।
সুখেন ব্রহ্ম-সংস্পর্শম্ অত্যন্তম্ সুখম্ অশ্নুতে ॥২৮॥
সর্ব-ভূতস্থম্ আত্মানম্ সর্ব-ভূতানি চ আত্মনি ।
ঈক্ষতে যোগ-যুক্ত-আত্মা সর্বত্র সম-দর্শনঃ ॥২৯॥
যো মাম্ পশ্যতি সর্বত্র সর্বম্ চ মযি পশ্যতি ।
তস্য অহং ন প্রণশ্যামি সঃ চ মে ন প্রণশ্যতি ॥৩০॥
সর্ব-ভূত-স্থিতম্ যঃ মাম্ ভজতি একত্বম্ আস্থিতঃ ।
সর্বথা বর্তমানঃ অপি সঃ যোগী মযি বর্ততে ॥৩১॥
আত্মা-উপম্যেন সর্বত্র সমম্ পশ্যতি যঃ অর্জুন ।
সুখম্ বা যদি বা দুঃখম্ সঃ যোগী পরমঃ মতঃ ॥৩২॥
অর্জুনঃ উবাচ ।
যঃ অযং যোগঃ ত্বযা প্রোক্তঃ সাম্যেন মধুসূদন ।
এতস্য অহং ন পশ্যামি চঞ্চলত্বাত্ স্থিতিম্ স্থিরাম্ ॥৩৩
চঞ্চলম্ হি মনঃ কৃষ্ণ প্রমাথি বলবত্ দৃঢম্ ।
তস্য অহম্ নিগ্রহম্ মন্যে বাযোঃ ইব সুদুষ্করম্ ॥৩৪॥
শ্রীভগবান্ উবাচ ।
অসংশযম্ মহাবাহো মনঃ দুর্নিগ্রহম্ চলম্ ।
অভ্যাসেন তু কৌন্তেয বৈরাগ্যেণ চ গৃহ্যতে ॥৩৫॥
অসংযত-আত্মনা যোগঃ দুষ্প্রাপঃ ইতি মে মতিঃ ।
বশ্য-আত্মনা তু যততা শক্যঃ অবাপ্তুম্ উপাযতঃ ॥৩৬॥
অর্জুনঃ উবাচ ।
অযতিঃ শ্রদ্ধযা উপেতঃ যোগাত্ চলিত-মানসঃ ।
অপ্রাপ্য যোগ-সংসিদ্ধিম্ কাম্ গতিম্ কৃষ্ণ গচ্ছতি ॥৩৭॥
কচ্চিত্ ন উভয-বিভ্রষ্টঃ ছিন্ন-অভ্রম্ ইব নশ্যতি ।
অপ্রতিষ্ঠঃ মহাবাহো বিমূঢঃ ব্রহ্মণঃ পথি ॥৩৮॥
এতত্ মে সংশযম্ কৃষ্ণ ছেত্তুম্ অর্হসি অশেষতঃ ।
ত্বত্ অন্যঃ সংশযস্য অস্য ছেত্তা ন হি উপপদ্যতে ॥৩৯॥
শ্রীভগবান্ উবাচ ।
পার্থ ন এব ইহ ন অমুত্র বিনাশঃ তস্য বিদ্যতে ।
ন হি কল্যাণ-কৃত্ কশ্চিত্ দুর্গতিম্ তাত গচ্ছতি ॥৪০॥
প্রাপ্য পুণ্য-কৃতাম্ লোকান্ উষিত্বা শাশ্বতীঃ সমাঃ ।
শুচীনাম্ শ্রীমতাম্ গেহে যোগ-ভ্রষ্টঃ অভিজাযতে ॥৪১॥
অথবা যোগিনাম্ এব কুলে ভবতি ধীমতাম্ ।
এতত্ হি দুর্লভতরং লোকে জন্ম যত্ ঈদৃশম্ ॥৪২॥
তত্র তম্ বুদ্ধি-সংযোগম্ লভতে পৌর্ব-দেহিকম্ ।
যততে চ ততঃ ভূযঃ সংসিদ্ধৌ কুরুনন্দন ॥৪৩॥
পূর্ব-অভ্যাসেন তেন এব হ্রিযতে হি অবশঃ অপি সঃ ।
জিজ্ঞাসুঃ অপি যোগস্য শব্দ-ব্রহ্ম অতিবর্ততে ॥৪৪॥
প্রযত্নাত্ যতমানঃ তু যোগী সংশুদ্ধ-কিল্বিষঃ ।
অনেক-জন্ম-সংসিদ্ধঃ ততঃ যাতি পরাম্ গতিম্ ॥৪৫॥
তপস্বিভ্যঃ অধিকঃ যোগী জ্ঞানিভ্যঃ অপি মতঃ অধিকঃ ।
কর্মিভ্যঃ চ অধিকঃ যোগী তস্মাত্ যোগী ভব অর্জুন ॥৪৬॥
যোগিনাম্ অপি সর্বেষাম্ মত্ গতেন অন্তর-আত্মনা ।
শ্রদ্ধাবান্ ভজতে যঃ মাম্ সঃ মে যুক্ততমঃ মতঃ ॥৪৭॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে আত্ম-সংযম-যোগঃ নাম ষষ্ঠঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ সপ্তমঃ অধ্যাযঃ । জ্ঞান-বিজ্ঞান-যোগঃ ।
শ্রীভগবান্ উবাচ ।
মযি আসক্ত-মনাঃ পার্থ যোগম্ যুঞ্জন্ মত্ আশ্রযঃ ।
অসংশযম্ সমগ্রম্ মাম্ যথা জ্ঞাস্যসি তত্ শৃণু ॥১॥
জ্ঞানম্ তে অহম্ সবিজ্ঞানম্ ইদম্ বক্ষ্যামি অশেষতঃ ।
যত্ জ্ঞাত্বা ন ইহ ভূযঃ অন্যত্ জ্ঞাতব্যম্ অবশিষ্যতে ॥২॥
মনুষ্যাণাম্ সহস্রেষু কশ্চিত্ যততি সিদ্ধযে ।
যততাম্ অপি সিদ্ধানাম্ কশ্চিত্ মাম্ বেত্তি তত্ত্বতঃ ॥৩॥
ভূমিঃ আপঃ অনলঃ বাযুঃ খম্ মনঃ বুদ্ধিঃ এব চ ।
অহংকারঃ ইতি ইযম্ মে ভিন্না প্রকৃতিঃ অষ্টধা ॥৪॥
অপরা ইযম্ ইতঃ তু অন্যাম্ প্রকৃতিম্ বিদ্ধি মে পরাম্ ।
জীব-ভূতাম্ মহাবাহো যযা ইদম্ ধার্যতে জগত্ ॥৫॥
এতত্ যোনীনি ভূতানি সর্বাণি ইতি উপধারয ।
অহম্ কৃত্স্নস্য জগতঃ প্রভবঃ প্রলযঃ তথা ॥৬॥
মত্তঃ পরতরং ন অন্যত্ কিঞ্চিত্ অস্তি ধনঞ্জয ।
মযি সর্বম্ ইদম্ প্রোতম্ সূত্রে মণিগণাঃ ইব ॥৭॥
রসঃ অহম্ অপ্সু কৌন্তেয প্রভা অস্মি শশি-সূর্যযোঃ ।
প্রণবঃ সর্ব-বেদেষু শব্দঃ খে পৌরুষম্ নৃষু ॥৮॥
পুণ্যঃ গন্ধঃ পৃথিব্যাম্ চ তেজঃ চ অস্মি বিভাবসৌ ।
জীবনম্ সর্ব-ভূতেষু তপঃ চ অস্মি তপস্বিষু ॥৯॥
বীজম্ মাম্ সর্ব-ভূতানাম্ বিদ্ধি পার্থ সনাতনম্ ।
বুদ্ধিঃ বুদ্ধিমতাম্ অস্মি তেজঃ তেজস্বিনাম্ অহম্ ॥১০॥
বলম্ বলবতাম্ চ অহম্ কাম-রাগ-বিবর্জিতম্ ।
ধর্ম-অবিরুদ্ধঃ ভূতেষু কামঃ অস্মি ভরতর্ষভ ॥১১-
যে চ এব সাত্ত্বিকাঃ ভাবাঃ রাজসাঃ তামসাঃ চ যে ।
মত্তঃ এব ইতি তান্ বিদ্ধি ন তু অহং তেষু তে মযি ॥১২॥
ত্রিভিঃ গুণমযৈঃ ভাবৈঃ এভিঃ সর্বম্ম্ ইদম্ জগত্ ।
মোহিতম্ ন অভিজানাতি মাম্ এভ্যঃ পরম্ অব্যযম্ ॥১৩॥
দৈবী হি এষা গুণমযী মম মাযা দুরত্যযা ।
মাম্ এব যে প্রপদ্যন্তে মাযাম্ এতাম্ তরন্তি তে ॥১৪॥
ন মাম্ দুষ্কৃতিনঃ মূঢাঃ প্রপদ্যন্তে নর-অধমাঃ ।
মাযযা অপহৃত-জ্ঞানাঃ আসুরম্ ভাবম্ আশ্রিতাঃ ॥১৫॥
চতুঃ-বিধাঃ ভজন্তে মাম্ জনাঃ সুকৃতিনঃ অর্জুন ।
আর্তঃ জিজ্ঞাসুঃ অর্থার্থী জ্ঞানী চ ভরতর্ষভ ॥১৬॥
তেষাম্ জ্ঞানী নিত্য-যুক্তঃ এক-ভক্তিঃ বিশিষ্যতে ।
প্রিযঃ হি জ্ঞানিনঃ অত্যর্থম্ অহম্ সঃ চ মম প্রিযঃ ॥১৭॥
উদারাঃ সর্বে এব এতে জ্ঞানী তু আত্মা এব মে মতম্ ।
আস্থিতঃ সঃ হি যুক্ত-আত্মা মাম্ এব অনুত্তমাম্ গতিম্ ॥১৮॥
বহূনাম্ জন্মনাম্ অন্তে জ্ঞানবান্ মাম্ প্রপদ্যতে ।
বাসুদেবঃ সর্বম্ ইতি সঃ মহাত্মা সুদুর্লভঃ ॥১৯॥
কামৈঃ তৈঃ তৈঃ হৃত-জ্ঞানাঃ প্রপদ্যন্তে অন্য-দেবতাঃ ।
তম্ তম্ নিযমম্ আস্থায প্রকৃত্যা নিযতাঃ স্বযা ॥২০॥
যঃ যঃ যাম্ যাম্ তনুম্ ভক্তঃ শ্রদ্ধযা অর্চিতুম্ ইচ্ছতি ।
তস্য তস্য অচলাম্ শ্রদ্ধাম্ তাম্ এব বিদধামি অহম্ ॥২১॥
সঃ তযা শ্রদ্ধযা যুক্তঃ তস্য অরাধনম্ ঈহতে ।
লভতে চ ততঃ কামান্ মযা এব বিহিতান্ হি তান্ ॥২২॥
অন্তবত্ তু ফলম্ তেষাম্ তত্ ভবতি অল্প-মেধসাম্ ।
দেবান্ দেব-যজঃ যান্তি মত্ ভক্তাঃ যান্তি মাম্ অপি ॥২৩॥
অব্যক্তম্ ব্যক্তিম্ আপন্নম্ মন্যন্তে মাম্ অবুদ্ধযঃ ।
পরম্ ভাবম্ অজানন্তঃ মম অব্যযম্ অনুত্তমম্ ॥২৪॥
ন অহম্ প্রকাশঃ সর্বস্য যোগ-মাযা-সমাবৃতঃ ।
মূঢঃ অযম্ ন অভিজানাতি লোকঃ মাম্ অজম্ অব্যযম্ ॥২৫॥
বেদ অহম্ সমতীতানি বর্তমানানি চ অর্জুন ।
ভবিষ্যাণি চ ভূতানি মাম্ তু বেদ ন কশ্চন ॥২৬॥
ইচ্ছা-দ্বেষ-সমুত্থেন দ্বন্দ্ব-মোহেন ভারত ।
সর্ব-ভূতানি সম্মোহম্ সর্গে যান্তি পরন্তপ ॥২৭॥
যেষাম্ তু অন্তগতম্ পাপম্ জনানাম্ পুণ্য-কর্মণাম্ ।
তে দ্বন্দ্ব-মোহ-নির্মুক্তাঃ ভজন্তে মাম্ দৃঢ-ব্রতাঃ ॥২৮॥
জরা-মরণ-মোক্ষায মাম্ আশ্রিত্য যতন্তি যে ।
তে ব্রহ্ম তত্ বিদুঃ কৃত্স্নম্ অধ্যাত্মম্ কর্ম চ অখিলম্ ॥২৯॥
সাধিভূত-অধিদৈবম্ মাম্ সাধিযজ্ঞম্ চ যে বিদুঃ ।
প্রযাণকালে অপি চ মাং তে বিদুঃ যুক্ত-চেতসঃ ॥৩০॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে জ্ঞান-বিজ্ঞান-যোগঃ নাম সপ্তমঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ অষ্টমঃ অধ্যাযঃ । অক্ষর-ব্রহ্ম-যোগঃ ।
অর্জুনঃ উবাচ ।
কিম্ তত্ ব্রহ্ম কিম্ অধ্যাত্মম্ কিম্ কর্ম পুরুষোত্তম ।
অধিভূতম্ চ কিম্ প্রোক্তম্ অধিদৈবম্ কিম্ উচ্যতে ॥১॥
অধিযজ্ঞঃ কথম্ কঃ অত্র দেহে অস্মিন্ মধুসূদন ।
প্রযাণ-কালে চ কথম্ জ্ঞেযঃ অসি নিযত-আত্মভিঃ ॥২॥
শ্রীভগবান্ উবাচ ।
অক্ষরম্ ব্রহ্ম পরমম্ স্বভাবঃ অধ্যাত্মম্ উচ্যতে ।
ভূত-ভাব-উদ্ভব-করঃ বিসর্গঃ কর্ম-সংজ্ঞিতঃ ॥৩॥
অধিভূতম্ ক্ষরঃ ভাবঃ পুরুষঃ চ অধিদৈবতম্ ।
অধিযজ্ঞঃ অহম্ এব অত্র দেহে দেহ-ভৃতাম্ বর ॥৪॥
অন্ত-কালে চ মাম্ এব স্মরন্ মুক্ত্বা কলেবরম্ ।
যঃ প্রযাতি সঃ মত্ ভাবম্ যাতি ন অস্তি অত্র সংশযঃ ॥৫॥
যম্ যম্ বা অপি স্মরন্ ভাবম্ ত্যজতি অন্তে কলেবরম্ ।
তম্ তম্ এব এতি কৌন্তেয সদা তদ্ত্ ভাব-ভাবিতঃ ॥৬॥
তস্মাত্ সর্বেষু কালেষু মাম্ অনুস্মর যুধ্য চ ।
মযি অর্পিত-মনঃ-বুদ্ধিঃ মাম্ এব এষ্যসি অসংশযম্ ॥৭॥
অভ্যাস-যোগ-যুক্তেন চেতসা ন অন্য-গামিনা ।
পরমম্ পুরুষম্ দিব্যম্ যাতি পার্থ অনুচিন্তযন্ ॥৮॥
কবিম্ পুরাণম্ অনুশাসিতারম্ অণোঃ অণীযাংসম্ অনুস্মরেত্ যঃ ।
সর্বস্য ধাতারম্ অচিন্ত্য-রূপং আদিত্য-বর্ণম্ তমসঃ পরস্তাত্ ॥৯॥
প্রযাণ-কালে মনসা অচলেন ভক্ত্যা যুক্তঃ যোগ-বলেন চ এব ।
ভ্রুবোঃমধ্যে প্রাণম্আবেশ্য সম্যক্ সঃ তং পরং পুরুষম্ উপৈতি দিব্যম্॥১০॥
যত্ অক্ষরম্ বেদ-বিদঃ বদন্তি বিশন্তি যত্ যতযঃ বীত-রাগাঃ ।
যত্ ইচ্ছন্তঃ ব্রহ্মচর্যম্ চরন্তি তত্ তে পদম্ সংগ্রহেণ প্রবক্ষ্যে ॥১১॥
সর্ব-দ্বারাণি সংযম্য মনঃ হৃদি নিরুধ্য চ ।
মূর্ধ্নি আধায আত্মনঃ প্রাণম্ আস্থিতঃ যোগ-ধারণাম্ ॥১২॥
ওম্ ইতি এক-অক্ষরম্ ব্রহ্ম ব্যাহরন্ মাম্ অনুস্মরন্ ।
যঃ প্রযাতি ত্যজন্ দেহম্ সঃ যাতি পরমাম্ গতিম্ ॥১৩॥
অনন্য-চেতাঃ সততম্ যঃ মাম্ স্মরতি নিত্যশঃ ।
তস্য অহং সুলভঃ পার্থ নিত্য-যুক্তস্য যোগিনঃ ॥১৪॥
মাম্ উপেত্য পুনঃ-জন্ম দুঃখ-আলযম্ অশাশ্বতম্ ।
ন আপ্নুবন্তি মহাত্মানঃ সংসিদ্ধিম্ পরমাম্ গতাঃ ॥১৫॥
আব্রহ্ম-ভুবনাত্ লোকাঃ পুনঃ-আবর্তিনঃ অর্জুন ।
মাম্ উপেত্য তু কৌন্তেয পুনঃ-জন্ম ন বিদ্যতে ॥১৬॥
সহস্র-যুগ-পর্যন্তম্ অহঃ যত্ ব্রহ্মণঃ বিদুঃ ।
রাত্রিম্ যুগ-সহস্র-অন্তাম্ তে অহোরাত্র-বিদঃ জনাঃ ॥১৭॥
অব্যক্তাত্ ব্যক্তযঃ সর্বাঃ প্রভবন্তি অহঃ আগমে ।
রাত্রি আগমে প্রলীযন্তে তত্র এব অব্যক্ত-সংজ্ঞকে ॥১৮॥
ভূত-গ্রামঃ সঃ এব অযম্ ভূত্বা ভূত্বা প্রলীযতে ।
রাত্রি আগমে অবশঃ পার্থ প্রভবতি অহঃ আগমে ॥১৯॥
পরঃ তস্মাত্ তু ভাবঃ অন্যঃ অব্যক্তঃ অব্যক্তাত্ সনাতনঃ ।
যঃ সঃ সর্বেষু ভূতেষু নশ্যত্সু ন বিনশ্যতি ॥২০॥
অব্যক্তঃ অক্ষরঃ ইতি উক্তঃ তম্ আহুঃ পরমাম্ গতিম্ ।
যম্ প্রাপ্য ন নিবর্তন্তে তত্ ধাম পরমম্ মম ॥২১॥
পুরুষঃ সঃ পরঃ পার্থ ভক্ত্যা লভ্যঃ তু অনন্যযা ।
যস্য অন্তঃ-স্থানি ভূতানি যেন সর্বম্ ইদম্ ততম্ ॥২২॥
যত্র কালে তু অনাবৃত্তিম্ আবৃত্তিম্ চ এব যোগিনঃ ।
প্রযাতাঃ যান্তি তম্ কালম্ বক্ষ্যামি ভরতর্ষভ ॥২৩॥
অগ্নিঃ জ্যোতিঃ অহঃ শুক্লঃ ষণ্মাসাঃ উত্তর-আযণম্ ।
তত্র প্রযাতাঃ গচ্ছন্তি ব্রহ্ম ব্রহ্মবিদঃ জনাঃ ॥২৪॥
ধূমঃ রাত্রিঃ তথা কৃষ্ণঃ ষণ্মাসাঃ দক্ষিণ-আযনম্ ।
তত্র চান্দ্রমসম্ জ্যোতিঃ যোগী প্রাপ্য নিবর্ততে ॥২৫॥
শুক্ল-কৃষ্ণে গতী হি এতে জগতঃ শাশ্বতে মতে ।
একযা যাতি অনাবৃত্তিম্ অন্যযা আবর্ততে পুনঃ ॥২৬॥
ন এতে সৃতী পার্থ জানন্ যোগী মুহ্যতি কশ্চন ।
তস্মাত্ সর্বেষু কালেষু যোগ-যুক্তঃ ভব অর্জুন ॥২৭॥
বেদেষু যজ্ঞেষু তপঃসু চ এব দানেষু যত্ পুণ্য-ফলম্ প্রদিষ্টম্ ।
অত্যেতি তত্সর্বম্ ইদং বিদিত্বা যোগী পরং স্থানম্ উপৈতি চ আদ্যম্॥২৮॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে অক্ষর-ব্রহ্ম-যোগঃ নাম অষ্টমঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ নবমঃ অধ্যাযঃ । রাজ-বিদ্যা-রাজ-গুহ্য-যোগঃ ।
শ্রীভগবান্ উবাচ ।
ইদম্ তু তে গুহ্যতমম্ প্রবক্ষ্যামি অনসূযবে ।
জ্ঞানম্ বিজ্ঞান-সহিতম্ যত্ জ্ঞাত্বা মোক্ষ্যসে অশুভাত্ ॥১॥
রাজ-বিদ্যা রাজ-গুহ্যম্ পবিত্রম্ম্ ইদম্ উত্তমম্ ।
প্রত্যক্ষ-অবগমম্ ধর্ম্যম্ সুসুখম্ কর্তুম্ অব্যযম্ ॥২॥
অশ্রদ্দধানাঃ পুরুষাঃ ধর্মস্য অস্য পরন্তপ ।
অপ্রাপ্য মাম্ নিবর্তন্তে মৃত্যু-সংসার-বর্ত্মনি ॥৩॥
মযা ততম্ ইদম্ সর্বম্ জগত্ অব্যক্ত-মূর্তিনা ।
মত্-স্থানি সর্ব-ভূতানি ন চ অহম্ তেষু অবস্থিতঃ ॥৪॥
ন চ মত্-স্থানি ভূতানি পশ্য মে যোগম্ ঐশ্বরম্ ।
ভূত-ভৃত্ ন চ ভূত-স্থঃ মম আত্মা ভূত-ভাবনঃ ॥৫॥
যথা আকাশ-স্থিতঃ নিত্যম্ বাযুঃ সর্বত্রগঃ মহান্ ।
তথা সর্বাণি ভূতানি মত্-স্থানি ইতি উপধারয ॥৬॥
সর্ব-ভূতানি কৌন্তেয প্রকৃতিম্ যান্তি মামিকাম্ ।
কল্প-ক্ষযে পুনঃ তানি কল্প-আদৌ বিসৃজামি অহম্ ॥৭॥
প্রকৃতিম্ স্বাম্ অবষ্টভ্য বিসৃজামি পুনঃ পুনঃ ।
ভূত-গ্রামম্ ইমম্ কৃত্স্নম্ অবশম্ প্রকৃতেঃ বশাত্ ॥৮॥
ন চ মাম্ তানি কর্মাণি নিবধ্নন্তি ধনঞ্জয ।
উদাসীনবত্ আসীনম্ অসক্তম্ তেষু কর্মসু ॥৯॥
মযা অধ্যক্ষেণ প্রকৃতিঃ সূযতে সচর-অচরম্ ।
হেতুনা অনেন কৌন্তেয জগত্ বিপরিবর্ততে ॥১০॥
অবজানন্তি মাম্ মূঢাঃ মানুষীম্ তনুম্ আশ্রিতম্ ।
পরম্ ভাবম্ অজানন্তঃ মম ভূত-মহেশ্বরম্ ॥১১॥
মোঘ-আশাঃ মোঘ-কর্মাণঃ মোঘ-জ্ঞানাঃ বিচেতসঃ ।
রাক্ষসীম্ আসুরীম্ চ এব প্রকৃতিম্ মোহিনীম্ শ্রিতাঃ ॥১২॥
মহাত্মানঃ তু মাম্ পার্থ দৈবীম্ প্রকৃতিম্ আশ্রিতাঃ ।
ভজন্তি অনন্য-মনসঃ জ্ঞাত্বা ভূতাদিম্ অব্যযম্ ॥১৩॥
সততম্ কীর্তযন্তঃ মাম্ যতন্তঃ চ দৃঢ-ব্রতাঃ ।
নমস্যন্তঃ চ মাম্ ভক্ত্যা নিত্য-যুক্তাঃ উপাসতে ॥১৪॥
জ্ঞান-যজ্ঞেন চ অপি অন্যে যজন্তঃ মাম্ উপাসতে ।
একত্বেন পৃথক্ত্বেন বহুধা বিশ্বতোমুখম্ ॥১৫।
অহম্ ক্রতুঃ অহম্ যজ্ঞঃ স্বধা অহম্ অহম্ ঔষধম্ ।
মন্ত্রঃ অহম্ অহম্ এব আজ্যম্ অহম্ অগ্নিঃ অহম্ হুতম্ ॥১৬॥
পিতা অহম্ অস্য জগতঃ মাতা ধাতা পিতামহঃ ।
বেদ্যম্ পবিত্রম্ ওংকারঃ ঋক্-সাম যজুঃ এব চ ॥১৭॥
গতিঃ ভর্তা প্রভুঃ সাক্ষী নিবাসঃ শরণম্ সুহৃত্ ।
প্রভবঃ প্রলযঃ স্থানম্ নিধানম্ বীজম্ অব্যযম্ ॥১৮॥
তপামি অহম্ অহম্ বর্ষম্ নিগৃহ্ণামি উত্সৃজামি চ ।
অমৃতম্ চ এব মৃত্যুঃ চ সত্ অসত্ চ অহম্ অর্জুন ॥১৯॥
ত্রৈ-বিদ্যাঃ মাম্ সোমপাঃ পূত-পাপাঃ যজ্ঞৈঃ ইষ্ট্বা স্বর্গতিম্ প্রার্থযন্তে ।
তে পুণ্যম্ আসাদ্য সুরেন্দ্রলোকং অশ্নন্তি দিব্যান্ দিবি দেবভোগান্ ॥২০॥
তে তম্ ভুক্ত্বা স্বর্গ-লোকম্ বিশালম্ ক্ষীণে পুণ্যে মর্ত্য-লোকম্ বিশন্তি ।
এবম্ ত্রযী-ধর্মম্ অনুপ্রপন্নাঃ গত-আগতম্ কাম-কামাঃ লভন্তে ॥২১॥
অনন্যাঃ চিন্তযন্তঃ মাম্ যে জনাঃ পর্যুপাসতে ।
তেষাম্ নিত্য-অভিযুক্তানাম্ যোগ-ক্ষেমম্ বহামি অহম্ ॥২২॥
যে অপি অন্য-দেবতা-ভক্তাঃ যজন্তে শ্রদ্ধযা অন্বিতাঃ ।
তে অপি মাম্ এব কৌন্তেয যজন্তি অবিধি-পূর্বকম্ ॥২৩॥
অহম্ হি সর্ব-যজ্ঞানাম্ ভোক্তা চ প্রভুঃ এব চ ।
ন তু মাম্ অভিজানন্তি তত্ত্বেন অতঃ চ্যবন্তি তে ॥২৪॥
যান্তি দেব-ব্রতাঃ দেবান্ পিতৄন্ যান্তি পিতৃ-ব্রতাঃ ।
ভূতানি যান্তি ভূত-ইজ্যাঃ যান্তি মত্ যাজিনঃ অপি মাম্ ॥২৫॥
পত্রম্ পুষ্পম্ ফলম্ তোযম্ যঃ মে ভক্ত্যা প্রযচ্ছতি ।
তত্ অহম্ ভক্তি-উপহৃতম্ অশ্নামি প্রযত আত্মনঃ ॥২৬॥
যত্ করোষি যত্ অশ্নাসি যত্ জুহোষি দদাসি যত্ ।
যত্ তপস্যসি কৌন্তেয তত্ কুরুষ্ব মত্ অর্পণম্ ॥২৭॥
শুভ-অশুভ-ফলৈঃ এবম্ মোক্ষ্যসে কর্ম-বন্ধনৈঃ ।
সংন্যাস-যোগ-যুক্ত-আত্মা বিমুক্তঃ মাম্ উপৈষ্যসি ॥২৮॥
সমঃ অহম্ সর্ব-ভূতেষু ন মে দ্বেষ্যঃ অস্তি ন প্রিযঃ ।
যে ভজন্তি তু মাম্ ভক্ত্যা মযি তে তেষু চ অপি অহম্ ॥২৯॥
অপি চেত্ সু-দুঃ-আচারঃ ভজতে মাম্ অনন্য-ভাক্ ।
সাধুঃ এব সঃ মন্তব্যঃ সম্যক্ ব্যবসিতঃ হি সঃ ॥৩০॥
ক্ষিপ্রম্ ভবতি ধর্ম-আত্মা শশ্বত্ শান্তিম্ নিগচ্ছতি ।
কৌন্তেয প্রতিজানীহি ন মে ভক্তঃ প্রণশ্যতি ॥৩১॥
মাম্ হি পার্থ ব্যপাশ্রিত্য যে অপি স্যুঃ পাপ-যোনযঃ ।
স্ত্রিযঃ বৈশ্যাঃ তথা শূদ্রাঃ তে অপি যান্তি পরাম্ গতিম্ ॥৩২॥
কিম্ পুনঃ ব্রাহ্মণাঃ পুণ্যাঃ ভক্তাঃ রাজর্ষযঃ তথা ।
অনিত্যম্ অসুখম্ লোকম্ ইমম্ প্রাপ্য ভজস্ব মাম্ ॥৩৩॥
মত্-মনাঃ ভব মত্-ভক্তঃ মত্-যাজী মাম্ নমস্কুরু ।
মাম্ এব এষ্যসি যুক্ত্বা এবম্ আত্মানম্ মত্-পরাযণঃ ॥৩৪॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে রাজ-বিদ্যা-রাজ-গুহ্য-যোগঃ নাম নবমঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ দশমঃ অধ্যাযঃ । বিভূতি-যোগঃ ।
শ্রীভগবান্ উবাচ ।
ভূযঃ এব মহাবাহো শৃণু মে পরমম্ বচঃ ।
যত্ তে অহম্ প্রীযমাণায বক্ষ্যামি হিত-কাম্যযা ॥১॥
ন মে বিদুঃ সুর-গণাঃ প্রভবম্ ন মহর্ষযঃ ।
অহম্ আদিঃ হি দেবানাম্ মহর্ষীণাম্ চ সর্বশঃ ॥২॥
যঃ মাম্ অজম্ অনাদিম্ চ বেত্তি লোক-মহেশ্বরম্ ।
অসম্মূঢঃ সঃ মর্ত্যেষু সর্ব-পাপৈঃ প্রমুচ্যতে ॥৩॥
বুদ্ধিঃ জ্ঞানম্ অসম্মোহঃ ক্ষমা সত্যম্ দমঃ শমঃ ।
সুখম্ দুঃখম্ ভবঃ অভাবঃ ভযম্ চ অভযম্ এব চ ॥৪॥
অহিংসা সমতা তুষ্টিঃ তপঃ দানম্ যশঃ অযশঃ ।
ভবন্তি ভাবাঃ ভূতানাম্ মত্তঃ এব পৃথক্-বিধাঃ ॥৫॥
মহর্ষযঃ সপ্ত পূর্বে চত্বারঃ মনবঃ তথা ।
মত্ ভাবাঃ মানসাঃ জাতাঃ যেষাম্ লোকে ইমাঃ প্রজাঃ ॥৬॥
এতাম্ বিভূতিম্ যোগম্ চ মম যঃ বেত্তি তত্ত্বতঃ ।
সঃ অবিকম্পেন যোগেন যুজ্যতে ন অত্র সংশযঃ ॥৭॥
অহম্ সর্বস্য প্রভবঃ মত্তঃ সর্বম্ প্রবর্ততে ।
ইতি মত্বা ভজন্তে মাম্ বুধাঃ ভাব-সমন্বিতাঃ ॥৮॥
মত্ চিত্তাঃ মত্ গত-প্রাণাঃ বোধযন্তঃ পরস্পরম্ ।
কথযন্তঃ চ মাম্ নিত্যম্ তুষ্যন্তি চ রমন্তি চ ॥৯॥
তেষাম্ সতত-যুক্তানাম্ ভজতাম্ প্রীতি-পূর্বকম্ ।
দদামি বুদ্ধি-যোগম্ তম্ যেন মাম্ উপযান্তি তে ॥১০॥
তেষাম্ এব অনুকম্পার্থম্ অহম্ অজ্ঞানজম্ তমঃ ।
নাশযামি আত্ম-ভাবস্থঃ জ্ঞান-দীপেন ভাস্বতা ॥১১॥
অর্জুনঃ উবাচ ।
পরম্ ব্রহ্ম পরম্ ধাম পবিত্রম্ পরমম্ ভবান্ ।
পুরুষম্ শাশ্বতম্ দিব্যম্ আদিদেবম্ অজম্ বিভুম্ ॥১২॥
আহুঃ ত্বাম্ ঋষযঃ সর্বে দেবর্ষিঃ নারদঃ তথা ।
অসিতঃ দেবলঃ ব্যাসঃ স্বযম্ চ এব ব্রবীষি মে ॥১৩॥
সর্বম্ এতত্ ঋতম্ মন্যে যত্ মাম্ বদসি কেশব ।
ন হি তে ভগবন্ ব্যক্তিম্ বিদুঃ দেবাঃ ন দানবাঃ ॥১৪॥
স্বযম্ এব আত্মনা আত্মানম্ বেত্থ ত্বম্ পুরুষোত্তম ।
ভূত-ভাবন ভূত-ঈশ দেব-দেব জগত্-পতে ॥১৫॥
বক্তুম্ অর্হসি অশেষেণ দিব্যাঃ হি আত্ম-বিভূতযঃ ।
যাভিঃ বিভূতিভিঃ লোকান্ ইমান্ ত্বম্ ব্যাপ্য তিষ্ঠসি ॥১৬॥
কথম্ বিদ্যাম্ অহম্ যোগিন্ ত্বাম্ সদা পরিচিন্তযন্ ।
কেষু কেষু চ ভাবেষু চিন্ত্যঃ অসি ভগবন্ মযা ॥১৭॥
বিস্তরেণ আত্মনঃ যোগম্ বিভূতিম্ চ জনার্দন ।
ভূযঃ কথয তৃপ্তিঃ হি শৃণ্বতঃ ন অস্তি মে অমৃতম্ ॥১৮॥
শ্রীভগবান্ উবাচ ।
হন্ত তে কথযিষ্যামি দিব্যাঃ হি আত্ম-বিভূতযঃ ।
প্রাধান্যতঃ কুরু-শ্রেষ্ঠ ন অস্তি অন্তঃ বিস্তরস্য মে ॥১৯॥
অহম্ আত্মা গুডাকা-ঈশ সর্ব-ভূত-আশয-স্থিতঃ ।
অহম্ আদিঃ চ মধ্যম্ চ ভূতানাম্ অন্তঃ এব চ ॥২০॥
আদিত্যানাম্ অহম্ বিষ্ণুঃ জ্যোতিষাম্ রবিঃ অংশুমান্ ।
মরীচিঃ মরুতাম্ অস্মি নক্ষত্রাণাম্ অহম্ শশী ॥২১॥
বেদানাম্ সামবেদঃ অস্মি দেবানাম্ অস্মি বাসবঃ ।
ইন্দ্রিযাণাম্ মনঃ চ অস্মি ভূতানাম্ অস্মি চেতনা ॥২২॥
রুদ্রাণাম্ শঙ্করঃ চ অস্মি বিত্ত-ঈশঃ যক্ষ-রক্ষসাম্ ।
বসূনাম্ পাবকঃ চ অস্মি মেরুঃ শিখরিণাম্ অহম্ ॥২৩॥
পুরোধসাম্ চ মুখ্যম্ মাম্ বিদ্ধি পার্থ বৃহস্পতিম্ ।
সেনানীনাম্ অহম্ স্কন্দঃ সরসাম্ অস্মি সাগরঃ ॥২৪॥
মহর্ষীণাম্ ভৃগুঃ অহম্ গিরাম্ অস্মি একম্ অক্ষরম্ ।
যজ্ঞানাম্ জপ-যজ্ঞঃ অস্মি স্থাবরাণাম্ হিমালযঃ ॥২৫॥
অশ্বত্থঃ সর্ব-বৃক্ষাণাম্ দেবর্ষীণাম্ চ নারদঃ ।
গন্ধর্বাণাম্ চিত্ররথঃ সিদ্ধানাম্ কপিলঃ মুনিঃ ॥২৬॥
উচ্চৈঃশ্রবসম্ অশ্বানাম্ বিদ্ধি মাম্ অমৃত-উদ্ভবম্ ।
ঐরাবতম্ গজেন্দ্রাণাম্ নরাণাম্ চ নরাধিপম্ ॥২৭॥
আযুধানাম্ অহম্ বজ্রম্ ধেনূনাম্ অস্মি কামধুক্ ।
প্রজনঃ চ অস্মি কন্দর্পঃ সর্পাণাম্ অস্মি বাসুকিঃ ॥২৮॥
অনন্তঃ চ অস্মি নাগানাম্ বরুণঃ যাদসাম্ অহম্ ।
পিতৄণাম্ অর্যমা চ অস্মি যমঃ সংযমতাম্ অহম্ ॥২৯॥
প্রহ্লাদঃ চ অস্মি দৈত্যানাম্ কালঃ কলযতাম্ অহম্ ।
মৃগাণাম্ চ মৃগেন্দ্রঃ অহম্ বৈনতেযঃ চ পক্ষিণাম্ ॥৩০॥
পবনঃ পবতাম্ অস্মি রামঃ শস্ত্র-ভৃতাম্ অহম্ ।
ঝষাণাম্ মকরঃ চ অস্মি স্রোতসাম্ অস্মি জাহ্নবী ॥৩১॥
সর্গাণাম্ আদিঃ অন্তঃ চ মধ্যম্ চ এব অহম্ অর্জুন ।
অধ্যাত্ম-বিদ্যা বিদ্যানাম্ বাদঃ প্রবদতাম্ অহম্ ॥৩২॥
অক্ষরাণাম্ অকারঃ অস্মি দ্বন্দ্বঃ সামাসিকস্য চ ।
অহম্ এব অক্ষযঃ কালঃ ধাতা অহম্ বিশ্বতোমুখঃ ॥৩৩॥
মৃত্যুঃ সর্ব-হরঃ চ অহম্ উদ্ভবঃ চ ভবিষ্যতাম্ ।
কীর্তিঃ শ্রীঃ বাক্ চ নারীণাম্ স্মৃতিঃ মেধা ধৃতিঃ ক্ষমা ॥৩৪॥
বৃহত্-সাম তথা সাম্নাম্ গাযত্রী ছন্দসাম্ অহম্ ।
মাসানাম্ মার্গশীর্ষঃ অহম্ ঋতূনাম্ কুসুমাকরঃ ॥৩৫॥
দ্যূতম্ ছলযতাম্ অস্মি তেজঃ তেজস্বিনাম্ অহম্ ।
জযঃ অস্মি ব্যবসাযঃ অস্মি সত্ত্বম্ সত্ত্ববতাম্ অহম্ ॥৩৬॥
বৃষ্ণীনাম্ বাসুদেবঃ অস্মি পাণ্ডবানাম্ ধনঞ্জযঃ ।
মুনীনাম্ অপি অহং ব্যাসঃ কবীনাম্ উশনা কবিঃ ॥৩৭॥
দণ্ডো দমযতামস্মি নীতিরস্মি জিগীষতাম্ ।
মৌনং চৈবাস্মি গুহ্যানাং জ্ঞানং জ্ঞানবতামহম্ ॥৩৮॥
দণ্ডঃ দমযতাম্ অস্মি নীতিঃ অস্মি জিগীষতাম্ ।
মৌনম্ চ এব অস্মি গুহ্যানাম্ জ্ঞানম্ জ্ঞানবতাম্ অহম্ ॥৩৮॥
যত্ চ অপি সর্ব-ভূতানাম্ বীজম্ তত্ অহম্ অর্জুন ।
ন তত্ অস্তি বিনা যত্ স্যাত্ মযা ভূতম্ চর-অচরম্ ॥৩৯॥
ন অন্তঃ অস্তি মম দিব্যানাম্ বিভূতীনাম্ পরন্তপ ।
এষঃ তু উদ্দেশতঃ প্রোক্তঃ বিভূতেঃ বিস্তরঃ মযা ॥৪০॥
যত্ যত্ বিভূতিমত্ সত্ত্বম্ শ্রীমত্ ঊর্জিতম্ এব বা ।
তত্ তত্ অবগচ্ছ ত্বম্ মম তেজঃ অংশ-সম্ভবম্ ॥৪১॥
অথবা বহুনা এতেন কিম্ জ্ঞাতেন তব অর্জুন ।
বিষ্টভ্য অহম্ ইদম্ কৃত্স্নম্ এক-অংশেন স্থিতঃ জগত্ ॥৪২॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে বিভূতি-যোগঃ নাম দশমঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ একাদশঃ অধ্যাযঃ । বিশ্ব-রূপ-দর্শন-যোগঃ ।
অর্জুনঃ উবাচ ।
মত্ অনুগ্রহায পরমম্ গুহ্যম্ অধ্যাত্ম-সংজ্ঞিতম্ ।
যত্ ত্বযা উক্তম্ বচঃ তেন মোহঃ অযম্ বিগতঃ মম ॥১॥
ভব অপি অযৌ হি ভূতানাম্ শ্রুতৌ বিস্তরশঃ মযা ।
ত্বত্তঃ কমল-পত্র-অক্ষ মাহাত্ম্যম্ অপি চ অব্যযম্ ॥২॥
এবম্ এতত্ যথা আত্থ ত্বম্ আত্মানং পরমেশ্বর ।
দ্রষ্টুম্ ইচ্ছামি তে রূপম্ ঐশ্বরম্ পুরুষোত্তম ॥৩॥
মন্যসে যদি তত্ শক্যম্ মযা দ্রষ্টুম্ ইতি প্রভো ।
যোগেশ্বর ততঃ মে ত্বম্ দর্শয আত্মানম্ অব্যযম্ ॥৪॥
শ্রীভগবান্ উবাচ ।
পশ্য মে পার্থ রূপাণি শতশঃ অথ সহস্রশঃ ।
নানা-বিধানি দিব্যানি নানা-বর্ণ-আকৃতীনি চ ॥৫॥
পশ্য আদিত্যান্ বসূন্ রুদ্রান্ অশ্বিনৌ মরুতাঃ তথা ।
বহূনি অদৃষ্ট-পূর্বাণি পশ্য আশ্চর্যাণি ভারত ॥৬॥
ইহ একস্থম্ জগত্ কৃত্স্নম্ পশ্য অদ্য সচর-অচরম্ ।
মম দেহে গুডাকেশ যত্ চ অন্যত্ দ্রষ্টুম্ ইচ্ছসি ॥৭॥
ন তু মাম্ শক্যসে দ্রষ্টুম্ অনেন এব স্ব-চক্ষুষা ।
দিব্যম্ দদামি তে চক্ষুঃ পশ্য মে যোগম্ ঐশ্বরম্ ॥৮॥
সঞ্জযঃ উবাচ ।
এবম্ উক্ত্বা ততঃ রাজন্ মহা-যোগ-ঈশ্বরঃ হরিঃ ।
দর্শযামাস পার্থায পরমম্ রূপম্ ঐশ্বরম্ ॥৯॥
অনেক-বক্ত্র-নযনম্ অনেক-অদ্ভুত-দর্শনম্ ।
অনেক-দিব্য-আভরণম্ দিব্য-অনেক-উদ্যত-আযুধম্ ॥১০॥
দিব্য-মাল্য-অম্বর-ধরম্ দিব্য-গন্ধ-অনুলেপনম্ ।
সর্ব-আশ্চর্যমযম্ দেবম্ অনন্তম্ বিশ্বতোমুখম্ ॥১১॥
দিবি সূর্য-সহস্রস্য ভবেত্ যুগপত্ উত্থিতা ।
যদি ভাঃ সদৃশী সা স্যাত্ ভাসঃ তস্য মহাত্মনঃ ॥১২॥
তত্র একস্থম্ জগত্ কৃত্স্নম্ প্রবিভক্তম্ অনেকধা ।
অপশ্যত্ দেব-দেবস্য শরীরে পাণ্ডবঃ তদা ॥১৩॥
ততঃ স বিস্মযাবিষ্টো হৃষ্টরোমা ধনঞ্জযঃ ।
প্রণম্য শিরসা দেবং কৃতাঞ্জলিরভাষত ॥১৪॥
ততঃ সঃ বিস্ময-আবিষ্টঃ হৃষ্ট-রোমা ধনঞ্জযঃ ।
প্রণম্য শিরসা দেবম্ কৃত-অঞ্জলিঃ অভাষত ॥১৪॥
অর্জুনঃ উবাচ ।
পশ্যামি দেবান্ তব দেব দেহে সর্বান্ তথা ভূত-বিশেষ-সঙ্ঘান্ ।
ব্রহ্মাণম্ ঈশম্ কমলআসনস্থং ঋষীন্ চ সর্বান্ উরগান্ চ দিব্যান্॥১৫॥
অনেক-বাহু-উদর-বক্ত্র-নেত্রম্ পশ্যামি ত্বাম্ সর্বতঃ অনন্ত-রূপম্ ।
ন অন্তম্ ন মধ্যং ন পুনঃ তব আদিম্ পশ্যামি বিশ্বেশ্বর বিশ্বরূপ॥১৬॥
কিরীটিনম্ গদিনম্ চক্রিণম্ চ তেজো-রাশিম্ সর্বতঃ দীপ্তিমন্তম্ ।
পশ্যামি ত্বাং দুর্নিরীক্ষ্যম্ সমন্তাত্ দীপ্তঅনলঅর্ক দ্যুতিম্অপ্রমেযম্॥১৭॥
ত্বম্ অক্ষরম্ পরমম্ বেদিতব্যম্ ত্বম্ অস্য বিশ্বস্য পরম্ নিধানম্ ।
ত্বম্ অব্যযঃ শাশ্বত-ধর্ম-গোপ্তা সনাতনঃ ত্বম্ পুরুষঃ মতঃ মে ॥১৮॥
অনাদি-মধ্য-অন্তম্ অনন্ত-বীর্যম্ অনন্ত-বাহুম্ শশি-সূর্য-নেত্রম্ ।
পশ্যামি ত্বাম্ দীপ্তহুতাশবক্ত্রম্ স্বতেজসা বিশ্বম্ ইদম্ তপন্তম্ ॥১৯॥
দ্যাবা-পৃথিব্যোঃ ইদম্ অন্তরম্ হি ব্যাপ্তম্ ত্বযা একেন দিশঃ চ সর্বাঃ ।
দৃষ্ট্বাঅদ্ভুতম্ রূপমুগ্রং তব ইদম্ লোক-ত্রযম্ প্রব্যথিতম্ মহাত্মন্॥২০॥
অমী হি ত্বাম্ সুর-সঙ্ঘাঃ বিশন্তি কেচিত্ ভীতাঃ প্রাঞ্জলযঃ গৃণন্তি ।
স্বস্তি ইতি উক্ত্বা মহর্ষি-সিদ্ধ-সঙ্ঘাঃস্তুবন্তি ত্বাম্ স্তুতিভিঃপুষ্কলাভিঃ॥২১॥
রুদ্র-আদিত্যাঃ বসবঃ যে চ সাধ্যাঃ বিশ্বে অশ্বিনৌ মরুতঃ চ উষ্মপাঃ চ ।
গন্ধর্ব-যক্ষ-অসুর-সিদ্ধ-সঙ্ঘাঃ বীক্ষন্তে ত্বাম্ বিস্মিতাঃ চ এব সর্বে॥২২॥
রূপম্ মহত্ তে বহু-বক্ত্র-নেত্রম্ মহা-বাহো বহু-বাহু-ঊরু-পাদম্ ।
বহু-উদরম্ বহু-দংষ্ট্রা-করালম্ দৃষ্ট্বা লোকাঃ প্রব্যথিতাঃ তথা অহম্॥২৩॥
নভঃ-স্পৃশম্ দীপ্তম্ অনেক-বর্ণম্ ব্যাত্ত-আননম্ দীপ্ত-বিশাল-নেত্রম্ ।
দৃষ্ট্বা হি ত্বাং প্রব্যথিত-অন্তর-আত্মা ধৃতিম্ ন বিন্দামি শমম্ চ বিষ্ণো॥২৪॥
দংষ্ট্রা-করালানি চ তে মুখানি দৃষ্ট্বা এব কাল-অনল-সন্নিভানি ।
দিশঃ ন জানে ন লভে চ শর্ম প্রসীদ দেবেশ জগত্-নিবাস ॥২৫॥
অমী চ ত্বাম্ ধৃতরাষ্ট্রস্য পুত্রাঃ সর্বে সহ এব অবনিপাল-সঙ্ঘৈঃ ।
ভীষ্মঃ দ্রোণঃ সূত-পুত্রঃ তথা অসৌ সহ অস্মদীযৈঃ অপি যোধ-মুখ্যৈঃ॥২৬॥
বক্ত্রাণি তে ত্বরমাণাঃ বিশন্তি দংষ্ট্রা-করালানি ভযানকানি ।
কেচিত্ বিলগ্নাঃ দশন-অন্তরেষু সন্দৃশ্যন্তে চূর্ণিতৈঃ উত্তম-অঙ্গৈঃ ॥২৭॥
যথা নদীনাম্ বহবঃ অম্বু-বেগাঃ সমুদ্রম্ এব অভিমুখাঃ দ্রবন্তি ।
তথা তব অমী নর-লোক-বীরাঃ বিশন্তি বক্ত্রাণি অভিবিজ্বলন্তি ॥২৮॥
যথা প্রদীপ্তম্ জ্বলনম্ পতঙ্গাঃ বিশন্তি নাশায সমৃদ্ধ-বেগাঃ ।
তথা এব নাশায বিশন্তি লোকাঃ তব অপি বক্ত্রাণি সমৃদ্ধ-বেগাঃ॥২৯॥
লেলিহ্যসে গ্রসমানঃ সমন্তাত্ লোকান্ সমগ্রান্ বদনৈঃ জ্বলদ্ভিঃ ।
তেজোভিঃ আপূর্য জগত্ সমগ্রম্ ভাসঃ তব উগ্রাঃ প্রতপন্তি বিষ্ণো ॥৩০॥
আখ্যাহি মে কো ভবানুগ্ররূপো নমঃ অস্তু তে দেববর প্রসীদ ।
বিজ্ঞাতুম্ ইচ্ছামি ভবন্তম্ আদ্যম্ ন হি প্রজানামি তব প্রবৃত্তিম্ ॥৩১॥
শ্রীভগবান্ উবাচ ।
কালঃ অস্মি লোক-ক্ষয-কৃত্ প্রবৃদ্ধঃ লোকান্ সমাহর্তুম্ ইহ প্রবৃত্তঃ ।
ঋতেঽপি ত্বাং ন ভবিষ্যন্তি সর্বে যে অবস্থিতাঃ প্রত্যনীকেষু যোধাঃ॥৩২॥
তস্মাত্ ত্বম্ উত্তিষ্ঠ যশঃ লভস্ব জিত্বা শত্রূন্ ভুঙ্ক্ষ্ব রাজ্যম্ সমৃদ্ধম্ ।
মযা এব এতে নিহতাঃ পূর্বম্ এব নিমিত্ত-মাত্রম্ ভব সব্য-সাচিন্ ॥৩৩॥
দ্রোণম্ চ ভীষ্মম্ চ জযদ্রথম্ চ কর্ণম্ তথা অন্যান্ অপি যোধ-বীরান্ ।
মযা হতাংস্ত্বং জহি মা ব্যথিষ্ঠাঃ যুধ্যস্ব জেতাঅসি রণে সপত্নান্॥৩৪॥
সঞ্জযঃ উবাচ ।
এতত্ শ্রুত্বা বচনম্ কেশবস্য কৃত-অঞ্জলিঃ বেপমানঃ কিরীটী ।
নমস্কৃত্বা ভূযঃ এব আহ কৃষ্ণম্ সগদ্গদম্ ভীত-ভীতঃ প্রণম্য ॥৩৫॥
অর্জুনঃ উবাচ ।
স্থানে হৃষীকেশ তব প্রকীর্ত্যা জগত্ প্রহৃষ্যতি অনুরজ্যতে চ ।
রক্ষাংসি ভীতানি দিশঃ দ্রবন্তি সর্বে নমস্যন্তি চ সিদ্ধ-সঙ্ঘাঃ ॥৩৬॥
কস্মাত্ চ তে ন নমেরন্ মহাত্মন্ গরীযসে ব্রহ্মণঃ অপি আদি-কর্ত্রে ।
অনন্ত দেবেশ জগত্ নিবাস ত্বমক্ষরং সত্ অসত্ তত্ পরং যত্ ॥৩৭॥
ত্বম্ আদিদেবঃ পুরুষঃ পুরাণঃ ত্বম্ অস্য বিশ্বস্য পরম্ নিধানম্ ।
বেত্তা অসি বেদ্যং চ পরম্ চ ধাম ত্বযা ততং বিশ্বম্অনন্ত-রূপ ॥৩৮॥
বাযুঃ যমঃ অগ্নিঃ বরুণঃ শশাঙ্কঃ প্রজাপতিঃ ত্বম্ প্রপিতামহঃ চ ।
নমঃ নমঃতেঅস্তু সহস্র-কৃত্বঃ পুনঃচ ভূযঃঅপি নমঃ নমঃ তে ॥৩৯॥
নমঃ পুরস্তাত্ অথ পৃষ্ঠতঃ তে নমঃ অস্তু তে সর্বতঃ এব সর্ব ।
অনন্ত-বীর্য-অমিত-বিক্রমঃ ত্বম্ সর্বম্ সমাপ্নোষি ততঃঅসি সর্বঃ ॥৪০॥
সখা ইতি মত্বা প্রসভম্ যত্ উক্তম্ হে কৃষ্ণ হে যাদব হে সখা ইতি ।
অজানতা মহিমানম্ তব ইদম্ মযা প্রমাদাত্ প্রণযেন বা অপি ॥৪১॥
যত্ চ অবহাসার্থম্ অসত্ কৃতঃ অসি বিহার-শয্যা-আসন-ভোজনেষু ।
একঃঅথবাঅপিঅচ্যুত তত্সমক্ষম্ তত্ক্ষামযে ত্বাম্অহম্ অপ্রমেযম্ ॥৪২॥
পিতা অসি লোকস্য চর-অচরস্য ত্বম্ অস্য পূজ্যঃ চ গুরুঃ গরীযান্ ।
ন ত্বত্সমঃঅস্তিঅভ্যধিকঃ কুতঃঅন্যঃ লোক-ত্রযেঅপিঅপ্রতিম-প্রভাব॥৪৩॥
তস্মাত্ প্রণম্য প্রণিধায কাযম্ প্রসাদযে ত্বাম্ অহম্ ঈশম্ ঈড্যম্ ।
পিতাইব পুত্রস্য সখা ইব সখ্যুঃ প্রিযঃ প্রিযাযাঃঅর্হসি দেব সোঢুম্॥৪৪॥
অদৃষ্ট-পূর্বম্ হৃষিতঃ অস্মি দৃষ্ট্বা ভযেন চ প্রব্যথিতম্ মনঃ মে ।
তত্ এব মে দর্শয দেব রূপম্ প্রসীদ দেবেশ জগত্-নিবাস ॥৪৫॥
কিরীটিনম্ গদিনম্ চক্র-হস্তম্ ইচ্ছামি ত্বাম্ দ্রষ্টুম্অহম্ তথা এব ।
তেন এব রূপেণ চতুঃ-ভুজেন সহস্র-বাহো ভব বিশ্ব-মূর্তে ॥৪৬॥
শ্রীভগবান্ উবাচ ।
মযা প্রসন্নেন তব অর্জুন ইদম্ রূপম্ পরম্ দর্শিতম্ আত্ম-যোগাত্ ।
তেজোমযম্ বিশ্বম্অনন্তম্ আদ্যম্ যত্ মে ত্বত্ অন্যেন ন দৃষ্ট-পূর্বম্॥৪৭॥
ন বেদ-যজ্ঞ-অধ্যযনৈঃ ন দানৈঃ ন চ ক্রিযাভিঃ ন তপোভিঃ উগ্রৈঃ ।
এবম্ রূপঃ শক্যঃ অহম্ নৃ-লোকে দ্রষ্টুম্ ত্বত্ অন্যেন কুরু-প্রবীর ॥৪৮॥
মা তে ব্যথা মা চ বিমূঢ-ভাবঃ দৃষ্ট্বা রূপম্ ঘোরম্ ঈদৃক্ মম ইদম্ ।
ব্যপেত-ভীঃ প্রীত-মনাঃ পুনঃ ত্বম্ তত্ এব মে রূপম্ ইদম্ প্রপশ্য ॥৪৯॥
সঞ্জযঃ উবাচ ।
ইতি অর্জুনম্ বাসুদেবঃ তথা উক্ত্বা স্বকম্ রূপম্ দর্শযামাস ভূযঃ ।
আশ্বাসযামাস চ ভীতম্ এনম্ ভূত্বা পুনঃ সৌম্য-বপুঃ মহাত্মা ॥৫০॥
অর্জুনঃ উবাচ ।
দৃষ্ট্বা ইদম্ মানুষম্ রূপম্ তব সৌম্যম্ জনার্দন ।
ইদানীম্ অস্মি সংবৃত্তঃ সচেতাঃ প্রকৃতিম্ গতঃ ॥৫১॥
শ্রীভগবান্ উবাচ ।
সুদুর্দর্শম্ ইদম্ রূপম্ দৃষ্টবান্ অসি যত্ মম ।
দেবাঃ অপি অস্য রূপস্য নিত্যম্ দর্শন-কাঙ্ক্ষিণঃ ॥৫২॥
ন অহম্ বেদৈঃ ন তপসা ন দানেন ন চ ইজ্যযা ।
শক্যঃ এবম্-বিধঃ দ্রষ্টুম্ দৃষ্টবান্ অসি মাম্ যথা ॥৫৩॥
ভক্ত্যা তু অনন্যযা শক্যঃ অহম্ এবম্-বিধঃ অর্জুন ।
জ্ঞাতুম্ দ্রষ্টুম্ চ তত্ত্বেন প্রবেষ্টুম্ চ পরন্তপ ॥৫৪॥
মত্-কর্ম-কৃত্ মত্-পরমঃ মত্-ভক্তঃ সঙ্গ-বর্জিতঃ ।
নির্বৈরঃ সর্ব-ভূতেষু যঃ সঃ মাম্ এতি পাণ্ডব ॥৫৫॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে বিশ্ব-রূপ-দর্শন-যোগঃ নাম একাদশঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ দ্বাদশঃ অধ্যাযঃ । ভক্তি-যোগঃ ।
অর্জুনঃ উবাচ ।
এবম্ সতত-যুক্তাঃ যে ভক্তাঃ ত্বাম্ পর্যুপাসতে ।
যে চ অপি অক্ষরম্ অব্যক্তম্ তেষাম্ কে যোগ-বিত্তমাঃ ॥১২-১॥
শ্রীভগবান্ উবাচ ।
মযি আবেশ্য মনঃ যে মাম্ নিত্য-যুক্তাঃ উপাসতে ।
শ্রদ্ধযা পরযা উপেতাঃ তে মে যুক্ততমাঃ মতাঃ ॥১২-২॥
যে তু অক্ষরম্ অনির্দেশ্যম্ অব্যক্তম্ পর্যুপাসতে ।
সর্বত্রগম্ অচিন্ত্যম্ চ কূটস্থম্ অচলম্ ধ্রুবম্ ॥১২-৩॥
সন্নিযম্য ইন্দ্রিয-গ্রামম্ সর্বত্র সম-বুদ্ধযঃ ।
তে প্রাপ্নুবন্তি মাম্ এব সর্ব-ভূত-হিতে রতাঃ ॥১২-৪॥
ক্লেশঃ অধিকতরঃ তেষাম্ অব্যক্ত-আসক্ত-চেতসাম্ ॥
অব্যক্তা হি গতিঃ দুঃখম্ দেহবদ্ভিঃ অবাপ্যতে ॥১২-৫॥
যে তু সর্বাণি কর্মাণি মযি সংন্যস্য মত্-পরাঃ ।
অনন্যেন এব যোগেন মাম্ ধ্যাযন্তঃ উপাসতে ॥১২-৬॥
তেষাম্ অহম্ সমুদ্ধর্তা মৃত্যু-সংসার-সাগরাত্ ।
ভবামি ন চিরাত্ পার্থ মযি আবেশিত-চেতসাম্ ॥১২-৭॥
মযি এব মনঃ আধত্স্ব মযি বুদ্ধিম্ নিবেশয ।
নিবসিষ্যসি মযি এব অতঃ ঊর্ধ্বম্ ন সংশযঃ ॥১২-৮॥
অথ চিত্তম্ সমাধাতুম্ ন শক্নোষি মযি স্থিরম্ ।
অভ্যাস-যোগেন ততঃ মাম্ ইচ্ছ আপ্তুম্ ধনঞ্জয ॥১২-৯॥
অভ্যাসে অপি অসমর্থঃ অসি মত্-কর্ম-পরমঃ ভব ।
মত্-অর্থম্ অপি কর্মাণি কুর্বন্ সিদ্ধিম্ অবাপ্স্যসি ॥১২-১০॥
অথ এতত্ অপি অশক্তঃ অসি কর্তুম্ মত্-যোগম্ আশ্রিতঃ ।
সর্ব-কর্ম-ফল-ত্যাগম্ ততঃ কুরু যত-আত্মবান্ ॥১২-১১॥
শ্রেযঃ হি জ্ঞানম্ অভ্যাসাত্ জ্ঞানাত্ ধ্যানম্ বিশিষ্যতে ।
ধ্যানাত্ কর্ম-ফল-ত্যাগঃ ত্যাগাত্ শান্তিঃ অনন্তরম্ ॥১২-১২॥
অদ্বেষ্টা সর্ব-ভূতানাং মৈত্রঃ করুণঃ এব চ ।
নির্মমঃ নিরহঙ্কারঃ সম-দুঃখ-সুখঃ ক্ষমী ॥১২-১৩॥
সন্তুষ্টঃ সততম্ যোগী যত-আত্মা দৃঢ-নিশ্চযঃ ।
মযি অর্পিত-মনঃ-বুদ্ধিঃ যঃ মত্-ভক্তঃ সঃ মে প্রিযঃ ॥১২-১৪॥
যস্মাত্ ন উদ্বিজতে লোকঃ লোকাত্ ন উদ্বিজতে চ যঃ ।
হর্ষ-আমর্ষ-ভয-উদ্বেগৈঃ মুক্তঃ যঃ সঃ চ মে প্রিযঃ ॥১২-১৫॥
অনপেক্ষঃ শুচিঃ দক্ষঃ উদাসীনঃ গত-ব্যথঃ ।
সর্ব-আরম্ভ-পরিত্যাগী যঃ মত্-ভক্তঃ সঃ মে প্রিযঃ ॥১২-১৬॥
যঃ ন হৃষ্যতি ন দ্বেষ্টি ন শোচতি ন কাঙ্ক্ষতি ।
শুভ-অশুভ-পরিত্যাগী ভক্তিমান্ যঃ সঃ মে প্রিযঃ ॥১২-১৭॥
সমঃ শত্রৌ চ মিত্রে চ তথা মান-অপমানযোঃ ।
শীত-উষ্ণ-সুখ-দুঃখেষু সমঃ সঙ্গ-বিবর্জিতঃ ॥১২-১৮॥
তুল্য-নিন্দা-স্তুতিঃ মৌনী সন্তুষ্টঃ যেন কেনচিত্ ।
অনিকেতঃ স্থির-মতিঃ ভক্তিমান্ মে প্রিযঃ নরঃ ॥১২-১৯॥
যে তু ধর্ম্য-অমৃতম্ ইদম্ যথা উক্তম্ পর্যুপাসতে ।
শ্রদ্দধানাঃ মত্-পরমাঃ ভক্তাঃ তে অতীব মে প্রিযাঃ ॥১২-২০॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে ভক্তি-যোগঃ নাম দ্বাদশঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ ত্রযোদশঃ অধ্যাযঃ । ক্ষেত্র-ক্ষেত্রজ্ঞ-বিভাগ-যোগঃ ।
অর্জুনঃ উবাচ ।
প্রকৃতিম্ পুরুষম্ চ এব ক্ষেত্রম্ ক্ষেত্রজ্ঞম্ এব চ ।
এতত্ বেদিতুম্ ইচ্ছামি জ্ঞানম্ জ্ঞেযম্ চ কেশব ॥০॥
শ্রীভগবান্ উবাচ ।
ইদম্ শরীরম্ কৌন্তেয ক্ষেত্রম্ ইতি অভিধীযতে ।
এতত্ যঃ বেত্তি তম্ প্রাহুঃ ক্ষেত্রজ্ঞঃ ইতি তত্-বিদঃ ॥১॥
ক্ষেত্রজ্ঞম্ চ অপি মাম্ বিদ্ধি সর্ব-ক্ষেত্রেষু ভারত ।
ক্ষেত্র-ক্ষেত্রজ্ঞযোঃ জ্ঞানম্ যত্ তত্ জ্ঞানম্ মতম্ মম ॥২॥
তত্ ক্ষেত্রম্ যত্ চ যাদৃক্ চ যত্ বিকারি যতঃ চ যত্ ।
সঃ চ যঃ যত্ প্রভাবঃ চ তত্ সমাসেন মে শৃণু ॥৩॥
ঋষিভিঃ বহুধা গীতম্ ছন্দোভিঃ বিবিধৈঃ পৃথক্ ।
ব্রহ্ম-সূত্র-পদৈঃ চ এব হেতুমদ্ভিঃ বিনিশ্চিতৈঃ ॥৪॥
মহাভূতানি অহঙ্কারো বুদ্ধিঃ অব্যক্তমেব চ ।
ইন্দ্রিযাণি দশৈকং চ পঞ্চ চ ইন্দ্রিযগোচরাঃ ॥৫॥
ইচ্ছা দ্বেষঃ সুখম্ দুঃখম্ সংঘাতঃ চেতনা ধৃতিঃ ।
এতত্ ক্ষেত্রম্ সমাসেন সবিকারম্ উদাহৃতম্ ॥৬॥
অমানিত্বম্ অদম্ভিত্বম্ অহিংসা ক্ষান্তিঃ আর্জবম্ ।
আচার্য-উপাসনম্ শৌচম্ স্থৈর্যম্ আত্ম-বিনিগ্রহঃ ॥৭॥
ইন্দ্রিয-অর্থেষু বৈরাগ্যম্ অনহংকারঃ এব চ ।
জন্ম-মৃত্যু-জরা-ব্যাধি-দুঃখ-দোষ-অনুদর্শনম্ ॥৮॥
অসক্তিঃ অনভিষ্বঙ্গঃ পুত্র-দার-গৃহ-আদিষু ।
নিত্যম্ চ সম-চিত্তত্বম্ ইষ্ট অনিষ্ট-উপপত্তিষু ॥৯॥
মযি চ অনন্য-যোগেন ভক্তিঃ অব্যভিচারিণী ।
বিবিক্ত-দেশ-সেবিত্বম্ অরতিঃ জন-সংসদি ॥১০॥
অধ্যাত্ম-জ্ঞান-নিত্যত্বম্ তত্ত্ব-জ্ঞান-অর্থ-দর্শনম্ ।
এতত্ জ্ঞানম্ ইতি প্রোক্তম্ অজ্ঞানম্ যত্ অতঃ অন্যথা ॥১১॥
জ্ঞেযম্ যত্ তত্ প্রবক্ষ্যামি যত্ জ্ঞাত্বা অমৃতম্ অশ্নুতে ।
অনাদিমত্ পরম্ ব্রহ্ম ন সত্ তত্ ন অসত্ উচ্যতে ॥১২॥
সর্বতঃ পাণি-পাদম্ তত্ সর্বতঃ অক্ষি-শিরঃ-মুখম্ ।
সর্বতঃ শ্রুতিমত্ লোকে সর্বম্ আবৃত্য তিষ্ঠতি ॥১৩॥
সর্ব-ইন্দ্রিয-গুণ-আভাসম্ সর্ব-ইন্দ্রিয-বিবর্জিতম্ ।
অসক্তম্ সর্ব-ভৃত্ চ এব নির্গুণম্ গুণ-ভোক্তৃ চ ॥১৪॥
বহিঃ-অন্তঃ চ ভূতানাম্ অচরম্ চরম্ এব চ ।
সূক্ষ্মত্বাত্ তত্ অবিজ্ঞেযম্ দূরস্থম্ চ অন্তিকে চ তত্ ॥১৫॥
অবিভক্তম্ চ ভূতেষু বিভক্তম্ ইব চ স্থিতম্ ।
ভূত-ভর্তৃ চ তত্ জ্ঞেযম্ গ্রসিষ্ণু প্রভবিষ্ণু চ ॥১৬॥
জ্যোতিষাম্ অপি তত্ জ্যোতিঃ তমসঃ পরম্ উচ্যতে ।
জ্ঞানম্ জ্ঞেযম্ জ্ঞানগম্যম্ হৃদি সর্বস্য ধিষ্ঠিতম্ ॥১৭॥
ইতি ক্ষেত্রম্ তথা জ্ঞানম্ জ্ঞেযম্ চ উক্তম্ সমাসতঃ ।
মত্-ভক্তঃ এতত্ বিজ্ঞায মত্-ভাবায উপপদ্যতে ॥১৮॥
প্রকৃতিম্ পুরুষম্ চ এব বিদ্ধি অনাদী উভাউ অপি ।
বিকারান্ চ গুণান্ চ এব বিদ্ধি প্রকৃতি-সম্ভবান্ ॥১৯॥
কার্য-কারণ-কর্তৃত্বে হেতুঃ প্রকৃতিঃ উচ্যতে ।
পুরুষঃ সুখ-দুঃখানাম্ ভোক্তৃত্বে হেতুঃ উচ্যতে ॥২০॥
পুরুষঃ প্রকৃতিস্থঃ হি ভুঙ্ক্তে প্রকৃতিজান্ গুণান্ ।
কারণম্ গুণ-সঙ্গঃ অস্য সত্ অসত্ যোনি-জন্মসু ॥২১॥
উপদ্রষ্টা অনুমন্তা চ ভর্তা ভোক্তা মহেশ্বরঃ ।
পরমাত্মা ইতি চ অপি উক্তঃ দেহে অস্মিন্ পুরুষঃ পরঃ ॥২২॥
যঃ এবম্ বেত্তি পুরুষম্ প্রকৃতিম্ চ গুণৈঃ সহ ।
সর্বথা বর্তমানঃ অপি ন সঃ ভূযঃ অভিজাযতে ॥২৩॥
ধ্যানেন আত্মনি পশ্যন্তি কেচিত্ আত্মানম্ আত্মনা ।
অন্যে সাঙ্খ্যেন যোগেন কর্ম-যোগেন চ অপরে ॥২৪॥
অন্যে তু এবম্ অজানন্তঃ শ্রুত্বা অন্যেভ্যঃ উপাসতে ।
তে অপি চ অতিতরন্তি এব মৃত্যুম্ শ্রুতি-পরাযণাঃ ॥২৫॥
যাবত্ সঞ্জাযতে কিঞ্চিত্ সত্ত্বম্ স্থাবর-জঙ্গমম্ ।
ক্ষেত্র-ক্ষেত্রজ্ঞ-সংযোগাত্ তত্ বিদ্ধি ভরতর্ষভ ॥২৬॥
সমম্ সর্বেষু ভূতেষু তিষ্ঠন্তম্ পরমেশ্বরম্ ।
বিনশ্যত্সু অবিনশ্যন্তম্ যঃ পশ্যতি সঃ পশ্যতি ॥২৭॥
সমং পশ্যন্ হি সর্বত্র সমবস্থিতম্ ঈশ্বরম্ ।
ন হিনস্তি আত্মনা আত্মানম্ ততঃ যাতি পরাম্ গতিম্ ॥২৮॥
প্রকৃত্যা এব চ কর্মাণি ক্রিযমাণানি সর্বশঃ ।
যঃ পশ্যতি তথা আত্মানম্ অকর্তারম্ সঃ পশ্যতি ॥২৯॥
যদা ভূত-পৃথক্-ভাবম্ একস্থম্ অনুপশ্যতি ।
ততঃ এব চ বিস্তারম্ ব্রহ্ম সম্পদ্যতে তদা ॥৩০॥
অনাদিত্বাত্ নির্গুণত্বাত্ পরমাত্মা অযম্ অব্যযঃ ।
শরীরস্থঃ অপি কৌন্তেয ন করোতি ন লিপ্যতে ॥৩১॥
যথা সর্বগতম্ সৌক্ষ্ম্যাত্ আকাশম্ ন উপলিপ্যতে ।
সর্বত্র-অবস্থিতঃ দেহে তথা আত্মা ন উপলিপ্যতে ॥৩২॥
যথা প্রকাশযতি একঃ কৃত্স্নম্ লোকম্ ইমম্ রবিঃ ।
ক্ষেত্রম্ ক্ষেত্রী তথা কৃত্স্নম্ প্রকাশযতি ভারত ॥৩৩॥
ক্ষেত্র-ক্ষেত্রজ্ঞযোঃ এবম্ অন্তরম্ জ্ঞান-চক্ষুষা ।
ভূত-প্রকৃতি-মোক্ষম্ চ যে বিদুঃ যান্তি তে পরম্ ॥৩৪॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে ক্ষেত্র-ক্ষেত্রজ্ঞ-বিভাগ-যোগঃ নাম ত্রযোদশঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ চতুর্দশঃ অধ্যাযঃ । গুণ-ত্রয-বিভাগ-যোগঃ ।
শ্রীভগবান্ উবাচ ।
পরম্ ভূযঃ প্রবক্ষ্যামি জ্ঞানানাম্ জ্ঞানম্ উত্তমম্ ।
যত্ জ্ঞাত্বা মুনযঃ সর্বে পরাম্ সিদ্ধিম্ ইতঃ গতাঃ ॥১॥
ইদম্ জ্ঞানম্ উপাশ্রিত্য মম সাধর্ম্যম্ আগতাঃ ।
সর্গে অপি ন উপজাযন্তে প্রলযে ন ব্যথন্তি চ ॥২॥
মম যোনিঃ মহত্ ব্রহ্ম তস্মিন্ গর্ভম্ দধামি অহম্ ।
সম্ভবঃ সর্ব-ভূতানাম্ ততঃ ভবতি ভারত ॥৩॥
সর্ব-যোনিষু কৌন্তেয মূর্তযঃ সম্ভবন্তি যাঃ ।
তাসাম্ ব্রহ্ম মহত্ যোনিঃ অহম্ বীজ-প্রদঃ পিতা ॥৪॥
সত্ত্বম্ রজঃ তমঃ ইতি গুণাঃ প্রকৃতি-সম্ভবাঃ ।
নিবধ্নন্তি মহা-বাহো দেহে দেহিনম্ অব্যযম্ ॥৫॥
তত্র সত্ত্বম্ নির্মলত্বাত্ প্রকাশকম্ অনামযম্ ।
সুখ-সঙ্গেন বধ্নাতি জ্ঞান-সঙ্গেন চ অনঘ ॥৬॥
রজঃ রাগ-আত্মকম্ বিদ্ধি তৃষ্ণা-সঙ্গ-সমুদ্ভবম্ ।
তত্ নিবধ্নাতি কৌন্তেয কর্ম-সঙ্গেন দেহিনম্ ॥৭॥
তমঃ তু অজ্ঞানজম্ বিদ্ধি মোহনম্ সর্ব-দেহিনাম্ ।
প্রমাদ-আলস্য-নিদ্রাভিঃ তত্ নিবধ্নাতি ভারত ॥৮॥
সত্ত্বম্ সুখে সঞ্জযতি রজঃ কর্মণি ভারত ।
জ্ঞানম্ আবৃত্য তু তমঃ প্রমাদে সঞ্জযতি উত ॥৯॥
রজঃ তমঃ চ অভিভূয সত্ত্বম্ ভবতি ভারত ।
রজঃ সত্ত্বম্ তমঃ চ এব তমঃ সত্ত্বম্ রজঃ তথা ॥১০॥
সর্ব-দ্বারেষু দেহে অস্মিন্ প্রকাশঃ উপজাযতে ।
জ্ঞানম্ যদা তদা বিদ্যাত্ বিবৃদ্ধম্ সত্ত্বম্ ইতি উত ॥১১॥
লোভঃ প্রবৃত্তিঃ আরম্ভঃ কর্মণাম্ অশমঃ স্পৃহা ।
রজসি এতানি জাযন্তে বিবৃদ্ধে ভরতর্ষভ ॥১২॥
অপ্রকাশঃ অপ্রবৃত্তিঃ চ প্রমাদঃ মোহঃ এব চ ।
তমসি এতানি জাযন্তে বিবৃদ্ধে কুরু-নন্দন ॥১৩॥
যদা সত্ত্বে প্রবৃদ্ধে তু প্রলযম্ যাতি দেহ-ভৃত্ ।
তদা উত্তম-বিদাম্ লোকান্ অমলান্ প্রতিপদ্যতে ॥১৪॥
রজসি প্রলযম্ গত্বা কর্ম-সঙ্গিষু জাযতে ।
তথা প্রলীনঃ তমসি মূঢ-যোনিষু জাযতে ॥১৫॥
কর্মণঃ সুকৃতস্য আহুঃ সাত্ত্বিকম্ নির্মলম্ ফলম্ ।
রজসঃ তু ফলম্ দুঃখম্ অজ্ঞানম্ তমসঃ ফলম্ ॥১৬॥
সত্ত্বাত্ সঞ্জাযতে জ্ঞানম্ রজসঃ লোভঃ এব চ ।
প্রমাদ-মোহৌ তমসঃ ভবতঃ অজ্ঞানম্ এব চ ॥১৭॥
ঊর্ধ্বম্ গচ্ছন্তি সত্ত্বস্থাঃ মধ্যে তিষ্ঠন্তি রাজসাঃ ।
জঘন্য-গুণ-বৃত্তিস্থাঃ অধঃ গচ্ছন্তি তামসাঃ ॥১৮॥
ন অন্যম্ গুণেভ্যঃ কর্তারম্ যদা দ্রষ্টা অনুপশ্যতি ।
গুণেভ্যঃ চ পরম্ বেত্তি মত্-ভাবম্ সঃ অধিগচ্ছতি ॥১৯॥
গুণান্ এতান্ অতীত্য ত্রীন্ দেহী দেহ-সমুদ্ভবান্ ।
জন্ম-মৃত্যু-জরা-দুঃখৈঃ বিমুক্তঃ অমৃতম্ অশ্নুতে ॥২০॥
অর্জুনঃ উবাচ ।
কৈঃ লিঙ্গৈঃ ত্রীন্ গুণান্ এতান্ অতীতঃ ভবতি প্রভো ।
কিম্ আচারঃ কথম্ চ এতান্ ত্রীন্ গুণান্ অতিবর্ততে ॥২১॥
শ্রীভগবান্ উবাচ ।
প্রকাশম্ চ প্রবৃত্তিম্ চ মোহম্ এব চ পাণ্ডব ।
ন দ্বেষ্টি সম্প্রবৃত্তানি ন নিবৃত্তানি কাঙ্ক্ষতি ॥২২॥
উদাসীনবত্ আসীনঃ গুণৈঃ যঃ ন বিচাল্যতে ।
গুণাঃ বর্তন্তে ইতি এবম্ যঃ অবতিষ্ঠতি ন ইঙ্গতে ॥২৩॥
সম-দুঃখ-সুখঃ স্বস্থঃ সম-লোষ্ট-অশ্ম-কাঞ্চনঃ ।
তুল্য-প্রিয-অপ্রিযঃ ধীরঃ তুল্য-নিন্দা-আত্ম-সংস্তুতিঃ ॥২৪॥
মান-অপমানযোঃ তুল্যঃ তুল্যঃ মিত্র-অরি-পক্ষযোঃ ।
সর্ব-আরম্ভ-পরিত্যাগী গুণাতীতঃ সঃ উচ্যতে ॥২৫॥
মাম্ চ যঃ অব্যভিচারেণ ভক্তি-যোগেন সেবতে ।
সঃ গুণান্ সমতীত্য এতান্ ব্রহ্ম-ভূযায কল্পতে ॥২৬॥
ব্রহ্মণঃ হি প্রতিষ্ঠা অহম্ অমৃতস্য অব্যযস্য চ ।
শাশ্বতস্য চ ধর্মস্য সুখস্য একান্তিকস্য চ ॥২৭॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে গুণ-ত্রয-বিভাগ-যোগঃ নাম চতুর্দশঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ পঞ্চদশঃ অধ্যাযঃ । পুরুষোত্তম-যোগঃ ।
শ্রীভগবান্ উবাচ ।
ঊর্ধ্ব-মূলম্ অধঃ-শাখম্ অশ্বত্থম্ প্রাহুঃ অব্যযম্ ।
ছন্দাংসি যস্য পর্ণানি যঃ তম্ বেদ সঃ বেদবিত্ ॥১॥
অধঃ চ ঊর্ধ্বম্ প্রসৃতাঃ তস্য শাখাঃ গুণ-প্রবৃদ্ধাঃ বিষয-প্রবালাঃ ।
অধঃ চ মূলানি অনুসন্ততানি কর্ম-অনুবন্ধীনি মনুষ্য-লোকে ॥২॥
ন রূপম্অস্য ইহ তথাউপলভ্যতে নঅন্তঃ ন চআদিঃ ন চ সম্প্রতিষ্ঠা।
অশ্বত্থম্ এনম্ সুবিরূঢ-মূলম্ অসঙ্গ-শস্ত্রেণ দৃঢেন ছিত্ত্বা ॥৩॥
ততঃ পদম্ তত্ পরিমার্গিতব্যং যস্মিন্ গতাঃ ন নিবর্তন্তি ভূযঃ ।
তম্ এব চ আদ্যম্ পুরুষম্ প্রপদ্যে যতঃ প্রবৃত্তিঃ প্রসৃতা পুরাণী ॥৪॥
নির্মান-মোহাঃ জিতসঙ্গদোষাঃ অধ্যাত্ম-নিত্যাঃ বিনিবৃত্ত-কামাঃ ।
দ্বন্দ্বৈঃবিমুক্তাঃসুখদুঃখ-সংজ্ঞৈঃ গচ্ছন্তি অমূঢাঃ পদম্ অব্যযং তত্॥৫॥
ন তত্ ভাসযতে সূর্যঃ ন শশাঙ্কঃ ন পাবকঃ ।
যত্ গত্বা ন নিবর্তন্তে তত্ ধাম পরমম্ মম ॥৬॥
মম এব অংশঃ জীব-লোকে জীব-ভূতঃ সনাতনঃ ।
মনঃ-ষষ্ঠানি-ইন্দ্রিযাণি প্রকৃতি-স্থানি কর্ষতি ॥৭॥
শরীরম্ যত্ অবাপ্নোতি যত্ চ অপি উত্ক্রামতি ঈশ্বরঃ ।
গৃহীত্বা এতানি সংযাতি বাযুঃ গন্ধান্ ইব আশযাত্ ॥৮॥
শ্রোত্রম্ চক্ষুঃ স্পর্শনম্ চ রসনম্ ঘ্রাণম্ এব চ ।
অধিষ্ঠায মনঃ চ অযম্ বিষযান্ উপসেবতে ॥৯॥
উত্ক্রামন্তম্ স্থিতম্ বা অপি ভুঞ্জানম্ বা গুণ-অন্বিতম্ ।
বিমূঢাঃ ন অনুপশ্যন্তি পশ্যন্তি জ্ঞান-চক্ষুষঃ ॥১০॥
যতন্তঃ যোগিনঃ চ এনম্ পশ্যন্তি আত্মনি অবস্থিতম্ ।
যতন্তঃ অপি অকৃত-আত্মানঃ ন এনম্ পশ্যন্তি অচেতসঃ ॥১১॥
যত্ আদিত্য-গতং তেজঃ জগত্ ভাসযতে অখিলম্ ।
যত্ চন্দ্রমসি যত্ চ অগ্নৌ তত্ তেজঃ বিদ্ধি মামকম্ ॥১২॥
গাম্ আবিশ্য চ ভূতানি ধারযামি অহম্ ওজসা ।
পুষ্ণামি চ ওষধীঃ সর্বাঃ সোমঃ ভূত্বা রসাত্মকঃ ॥১৩॥
অহম্ বৈশ্বানরঃ ভূত্বা প্রাণিনাম্ দেহম্ আশ্রিতঃ ।
প্রাণ-অপান-সম-আযুক্তঃ পচামি অন্নম্ চতুর্বিধম্ ॥১৪॥
সর্বস্য চ অহম্ হৃদি সন্নিবিষ্টঃ মত্তঃ স্মৃতিঃ জ্ঞানম্ অপোহনম্ চ ।
বেদৈঃ চ সর্বৈঃ অহম্ এব বেদ্যঃ বেদান্ত-কৃত্ বেদ-বিত্ এব চ অহম্॥১৫॥
দ্বৌ ইমৌ পুরুষৌ লোকে ক্ষরঃ চ অক্ষরঃ এব চ ।
ক্ষরঃ সর্বাণি ভূতানি কূটস্থঃ অক্ষরঃ উচ্যতে ॥১৬॥
উত্তমঃ পুরুষঃ তু অন্যঃ পরম্-আত্মা ইতি উদাহৃতঃ ।
যঃ লোক-ত্রযম্ আবিশ্য বিভর্তি অব্যযঃ ঈশ্বরঃ ॥১৭॥
যস্মাত্ ক্ষরম্ অতীতঃ অহম্ অক্ষরাত্ অপি চ উত্তমঃ ।
অতঃ অস্মি লোকে বেদে চ প্রথিতঃ পুরুষোত্তমঃ ॥১৮॥
যঃ মাম্ এবম্ অসম্মূঢঃ জানাতি পুরুষোত্তমম্ ।
সঃ সর্ব-বিত্ ভজতি মাম্ সর্ব-ভাবেন ভারত ॥১৯॥
ইতি গুহ্যতমম্ শাস্ত্রম্ ইদম্ উক্তম্ মযা অনঘ ।
এতত্ বুদ্ধ্বা বুদ্ধিমান্ স্যাত্ কৃতকৃত্যঃ চ ভারত ॥২০॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে পুরুষোত্তম-যোগঃ নাম পঞ্চদশঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ ষোডশঃ অধ্যাযঃ । দৈব-আসুর-সম্পত্-বিভাগ-যোগঃ ।
শ্রীভগবান্ উবাচ ।
অভযম্ সত্ত্ব-সংশুদ্ধিঃ জ্ঞান-যোগ-ব্যবস্থিতিঃ ।
দানম্ দমঃ চ যজ্ঞঃ চ স্বাধ্যাযঃ তপঃ আর্জবম্ ॥১॥
অহিংসা সত্যম্ অক্রোধঃ ত্যাগঃ শান্তিঃ অপৈশুনম্ ।
দযা ভূতেষু অলোলুপ্ত্বম্ মার্দবম্ হ্রীঃ অচাপলম্ ॥২॥
তেজঃ ক্ষমা ধৃতিঃ শৌচম্ অদ্রোহঃ ন অতি-মানিতা ।
ভবন্তি সম্পদম্ দৈবীম্ অভিজাতস্য ভারত ॥৩॥
দম্ভঃ দর্পঃ অভিমানঃ চ ক্রোধঃ পারুষ্যম্ এব চ ।
অজ্ঞানম্ চ অভিজাতস্য পার্থ সম্পদম্ আসুরীম্ ॥৪॥
দৈবী সম্পত্ বিমোক্ষায নিবন্ধায আসুরী মতা ।
মা শুচঃ সম্পদম্ দৈবীম্ অভিজাতঃ অসি পাণ্ডব ॥৫॥
দ্বৌ ভূত-সর্গৌ লোকে অস্মিন্ দৈবঃ আসুরঃ এব চ ।
দৈবঃ বিস্তরশঃ প্রোক্তঃ আসুরম্ পার্থ মে শৃণু ॥৬॥
প্রবৃত্তিম্ চ নিবৃত্তিম্ চ জনাঃ ন বিদুঃ আসুরাঃ ।
ন শৌচম্ ন অপি চ আচারঃ ন সত্যম্ তেষু বিদ্যতে ॥৭॥
অসত্যম্ অপ্রতিষ্ঠম্ তে জগত্ আহুঃ অনীশ্বরম্ ।
অপরস্পর-সম্ভূতং কিম্ অন্যত্ কাম-হৈতুকম্ ॥৮॥
এতাম্ দৃষ্টিম্ অবষ্টভ্য নষ্ট-আত্মানঃ অল্প-বুদ্ধযঃ ।
প্রভবন্তি উগ্র-কর্মাণঃ ক্ষযায জগতঃ অহিতাঃ ॥৯॥
কামম্ আশ্রিত্য দুষ্পূরম্ দম্ভ-মান-মদ-অন্বিতাঃ ।
মোহাত্ গৃহীত্বা অসত্ গ্রাহান্ প্রবর্তন্তে অশুচি-ব্রতাঃ ॥১০॥
চিন্তাম্ অপরিমেযাম্ চ প্রলযান্তাম্ উপাশ্রিতাঃ ।
কাম-উপভোগ-পরমাঃ এতাবত্ ইতি নিশ্চিতাঃ ॥১১॥
আশা-পাশ-শতৈঃ বদ্ধাঃ কাম-ক্রোধ-পরাযণাঃ ।
ঈহন্তে কাম-ভোগার্থম্ অন্যাযেন অর্থ-সঞ্চযান্ ॥১২॥
ইদম্ অদ্য মযা লব্ধম্ ইমম্ প্রাপ্স্যে মনোরথম্ ।
ইদম্ অস্তি ইদম্ অপি মে ভবিষ্যতি পুনঃ ধনম্ ॥১৩॥
অসৌ মযা হতঃ শত্রুঃ হনিষ্যে চ অপরান্ অপি ।
ঈশ্বরঃ অহম্ অহং ভোগী সিদ্ধঃ অহম্ বলবান্ সুখী ॥১৪॥
আঢ্যঃ অভিজনবান্ অস্মি কঃ অন্যঃ অস্তি সদৃশঃ মযা ।
যক্ষ্যে দাস্যামি মোদিষ্যে ইতি অজ্ঞান-বিমোহিতাঃ ॥১৫॥
অনেক-চিত্ত-বিভ্রান্তাঃ মোহ-জাল-সমাবৃতাঃ ।
প্রসক্তাঃ কাম-ভোগেষু পতন্তি নরকে অশুচৌ ॥১৬॥
আত্ম-সম্ভাবিতাঃ স্তব্ধাঃ ধন-মান-মদ-অন্বিতাঃ ।
যজন্তে নাম-যজ্ঞৈঃ তে দম্ভেন অবিধি-পূর্বকম্ ॥১৭॥
অহংকারম্ বলম্ দর্পম্ কামম্ ক্রোধম্ চ সংশ্রিতাঃ ।
মাম্ আত্ম-পর-দেহেষু প্রদ্বিষন্তঃ অভ্যসূযকাঃ ॥১৮॥
তান্ অহম্ দ্বিষতঃ ক্রূরান্ সংসারেষু নরাধমান্ ।
ক্ষিপামি অজস্রম্ অশুভান্ আসুরীষু এব যোনিষু ॥১৯॥
আসুরীম্ যোনিম্ আপন্নাঃ মূঢাঃ জন্মনি জন্মনি ।
মাম্ অপ্রাপ্য এব কৌন্তেয ততঃ যান্তি অধমাম্ গতিম্ ॥২০॥
ত্রিবিধম্ নরকস্য ইদম্ দ্বারম্ নাশনম্ আত্মনঃ ।
কামঃ ক্রোধঃ তথা লোভঃ তস্মাত্ এতত্ ত্রযম্ ত্যজেত্ ॥২১॥
এতৈঃ বিমুক্তঃ কৌন্তেয তমো-দ্বারৈঃ ত্রিভিঃ নরঃ ।
আচরতি আত্মনঃ শ্রেযঃ ততঃ যাতি পরাম্ গতিম্ ॥২২॥
যঃ শাস্ত্র-বিধিম্ উত্সৃজ্য বর্ততে কাম-কারতঃ ।
ন সঃ সিদ্ধিম্ অবাপ্নোতি ন সুখম্ ন পরাম্ গতিম্ ॥২৩॥
তস্মাত্ শাস্ত্রম্ প্রমাণম্ তে কার্য-অকার্য-ব্যবস্থিতৌ ।
জ্ঞাত্বা শাস্ত্র-বিধান-উক্তম্ কর্ম কর্তুম্ ইহ অর্হসি ॥২৪॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে দৈব-আসুর-সম্পত্-বিভাগ-যোগঃ নাম ষোডশঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ সপ্তদশঃ অধ্যাযঃ । শ্রদ্ধা-ত্রয-বিভাগ-যোগঃ ।
অর্জুনঃ উবাচ ।
যে শাস্ত্র-বিধিম্ উত্সৃজ্য যজন্তে শ্রদ্ধযা অন্বিতাঃ ।
তেষাম্ নিষ্ঠা তু কা কৃষ্ণ সত্ত্বম্ আহো রজঃ তমঃ ॥১॥
শ্রীভগবান্ উবাচ ।
ত্রিবিধা ভবতি শ্রদ্ধা দেহিনাম্ সা স্বভাবজা ।
সাত্ত্বিকী রাজসী চ এব তামসী চ ইতি তাম্ শৃণু ॥২॥
সত্ত্ব-অনুরূপা সর্বস্য শ্রদ্ধা ভবতি ভারত ।
শ্রদ্ধামযঃ অযম্ পুরুষঃ যঃ যত্ শ্রদ্ধঃ সঃ এব সঃ ॥৩॥
যজন্তে সাত্ত্বিকাঃ দেবান্ যক্ষ-রক্ষাংসি রাজসাঃ ।
প্রেতান্ ভূতগণান্ চ অন্যে যজন্তে তামসাঃ জনাঃ ॥৪॥
অশাস্ত্র-বিহিতম্ ঘোরম্ তপ্যন্তে যে তপঃ জনাঃ ।
দম্ভ-অহংকার-সংযুক্তাঃ কাম-রাগ-বল-অন্বিতাঃ ॥৫॥
কর্ষযন্তঃ শরীরস্থম্ ভূত-গ্রামম্ অচেতসঃ ।
মাম্ চ এব অন্তঃ-শরীরস্থম্ তান্ বিদ্ধি আসুর-নিশ্চযান্ ॥৬॥
আহারঃ তু অপি সর্বস্য ত্রিবিধঃ ভবতি প্রিযঃ ।
যজ্ঞঃ তপঃ তথা দানম্ তেষাম্ ভেদম্ ইমম্ শৃণু ॥৭॥
আযুঃ-সত্ত্ব-বল-আরোগ্য-সুখ-প্রীতি-বিবর্ধনাঃ ।
রস্যাঃ স্নিগ্ধাঃ স্থিরাঃ হৃদ্যাঃ আহারাঃ সাত্ত্বিক-প্রিযাঃ ॥৮॥
কট্বম্ল-লবণ-অতি-উষ্ণ-তীক্ষ্ণ-রূক্ষ-বিদাহিনঃ ।
আহারাঃ রাজসস্য ইষ্টাঃ দুঃখ-শোক-আময-প্রদাঃ ॥৯॥
যাতযামম্ গত-রসম্ পূতি পর্যুষিতম্ চ যত্ ।
উচ্ছিষ্টম্ অপি চ অমেধ্যম্ ভোজনম্ তামস-প্রিযম্ ॥১০॥
অফল-আকাঙ্ক্ষিভিঃ যজ্ঞঃ বিধি-দৃষ্টঃ যঃ ইজ্যতে ।
যষ্টব্যম্ এব ইতি মনঃ সমাধায সঃ সাত্ত্বিকঃ ॥১১॥
অভিসন্ধায তু ফলম্ দম্ভার্থম্ অপি চ এব যত্ ।
ইজ্যতে ভরত-শ্রেষ্ঠ তম্ যজ্ঞম্ বিদ্ধি রাজসম্ ॥১২॥
বিধি-হীনম্ অসৃষ্ট-অন্নম্ মন্ত্র-হীনম্ অদক্ষিণম্ ।
শ্রদ্ধা-বিরহিতম্ যজ্ঞম্ তামসম্ পরিচক্ষতে ॥১৩॥
দেব-দ্বিজ-গুরু-প্রাজ্ঞ-পূজনম্ শৌচম্ আর্জবম্ ।
ব্রহ্মচর্যম্ অহিংসা চ শারীরম্ তপঃ উচ্যতে ॥১৪॥
অনুদ্বেগকরম্ বাক্যম্ সত্যম্ প্রিয-হিতম্ চ যত্ ।
স্বাধ্যায-অভ্যসনম্ চ এব বাঙ্মযম্ তপঃ উচ্যতে ॥১৫॥
মনঃ-প্রসাদঃ সৌম্যত্বম্ মৌনম্ আত্ম-বিনিগ্রহঃ ।
ভাব-সংশুদ্ধিঃ ইতি এতত্ তপঃ মানসম্ উচ্যতে ॥১৬॥
শ্রদ্ধযা পরযা তপ্তম্ তপঃ তত্ ত্রিবিধম্ নরৈঃ ।
অফল-আকাঙ্ক্ষিভিঃ যুক্তৈঃ সাত্ত্বিকম্ পরিচক্ষতে ॥১৭॥
সত্কার-মান-পূজার্থম্ তপঃ দম্ভেন চ এব যত্ ।
ক্রিযতে তত্ ইহ প্রোক্তম্ রাজসম্ চলম্ অধ্রুবম্ ॥১৮॥
মূঢ-গ্রাহেণ আত্মনঃ যত্ পীডযা ক্রিযতে তপঃ ।
পরস্য উত্সাদনার্থম্ বা তত্ তামসম্ উদাহৃতম্ ॥১৯॥
দাতব্যম্ ইতি যত্ দানম্ দীযতে অনুপকারিণে ।
দেশে কালে চ পাত্রে চ তত্ দানম্ সাত্ত্বিকম্ স্মৃতম্ ॥২০॥
যত্ তু প্রতি-উপকারার্থম্ ফলম্ উদ্দিশ্য বা পুনঃ ।
দীযতে চ পরিক্লিষ্টম্ তত্ দানম্ রাজসম্ স্মৃতম্ ॥২১॥
অদেশ-কালে যত্ দানম্ অপাত্রেভ্যঃ চ দীযতে ।
অসত্কৃতম্ অবজ্ঞাতম্ তত্ তামসম্ উদাহৃতম্ ॥২২॥
ॐ তত্ সত্ ইতি নির্দেশঃ ব্রহ্মণঃ ত্রিবিধঃ স্মৃতঃ ।
ব্রাহ্মণাঃ তেন বেদাঃ চ যজ্ঞাঃ চ বিহিতাঃ পুরা ॥২৩॥
তস্মাত্ ॐ ইতি উদাহৃত্য যজ্ঞ-দান-তপঃ-ক্রিযাঃ ।
প্রবর্তন্তে বিধান-উক্তাঃ সততম্ ব্রহ্ম-বাদিনাম্ ॥২৪॥
তত্ ইতি অনভিসন্ধায ফলম্ যজ্ঞ-তপঃ-ক্রিযাঃ ।
দান-ক্রিযাঃ চ বিবিধাঃ ক্রিযন্তে মোক্ষ-কাঙ্ক্ষিভিঃ ॥২৫॥
সত্-ভাবে সাধু-ভাবে চ সত্ ইতি এতত্ প্রযুজ্যতে ।
প্রশস্তে কর্মণি তথা সত্ শব্দঃ পার্থ যুজ্যতে ॥২৬॥
যজ্ঞে তপসি দানে চ স্থিতিঃ সত্ ইতি চ উচ্যতে ।
কর্ম চ এব তত্-অর্থীযম্ সত্ ইতি এব অভিধীযতে ॥২৭॥
অশ্রদ্ধযা হুতম্ দত্তম্ তপঃ তপ্তম্ কৃতম্ চ যত্ ।
অসত্ ইতি উচ্যতে পার্থ ন চ তত্ প্রেত্য নো ইহ ॥২৮॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে শ্রদ্ধা-ত্রয-বিভাগ-যোগঃ নাম সপ্তদশঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮

অথ অষ্টাদশঃ অধ্যাযঃ । মোক্ষ-সংন্যাস-যোগঃ ।
অর্জুনঃ উবাচ ।
সংন্যাসস্য মহা-বাহো তত্ত্বম্ ইচ্ছামি বেদিতুম্ ।
ত্যাগস্য চ হৃষীকেশ পৃথক্ কেশি-নিষূদন ॥১॥
শ্রীভগবান্ উবাচ ।
কাম্যানাম্ কর্মণাম্ ন্যাসম্ সংন্যাসম্ কবযঃ বিদুঃ ।
সর্ব-কর্ম-ফল-ত্যাগম্ প্রাহুঃ ত্যাগম্ বিচক্ষণাঃ ॥২॥
ত্যাজ্যম্ দোষবত্ ইতি একে কর্ম প্রাহুঃ মনীষিণঃ ।
যজ্ঞ-দান-তপঃ-কর্ম ন ত্যাজ্যম্ ইতি চ অপরে ॥৩॥
নিশ্চযম্ শৃণু মে তত্র ত্যাগে ভরতসত্তম ।
ত্যাগঃ হি পুরুষ-ব্যাঘ্র ত্রিবিধঃ সম্প্রকীর্তিতঃ ॥৪॥
যজ্ঞ-দান-তপঃ-কর্ম ন ত্যাজ্যম্ কার্যম্ এব তত্ ।
যজ্ঞঃ দানম্ তপঃ চ এব পাবনানি মনীষিণাম্ ॥৫॥
এতানি অপি তু কর্মাণি সঙ্গম্ ত্যক্ত্বা ফলানি চ ।
কর্তব্যানি ইতি মে পার্থ নিশ্চিতম্ মতম্ উত্তমম্ ॥৬॥
নিযতস্য তু সংন্যাসঃ কর্মণঃ ন উপপদ্যতে ।
মোহাত্ তস্য পরিত্যাগঃ তামসঃ পরিকীর্তিতঃ ॥৭॥
দুঃখম্ ইতি এব যত্ কর্ম কায-ক্লেশ-ভযাত্ ত্যজেত্ ।
সঃ কৃত্বা রাজসম্ ত্যাগম্ ন এব ত্যাগ-ফলম্ লভেত্ ॥৮॥
কার্যম্ ইতি এব যত্ কর্ম নিযতম্ ক্রিযতে অর্জুন ।
সঙ্গম্ ত্যক্ত্বা ফলম্ চ এব সঃ ত্যাগঃ সাত্ত্বিকঃ মতঃ ॥৯॥
ন দ্বেষ্টি অকুশলম্ কর্ম কুশলে ন অনুষজ্জতে ।
ত্যাগী সত্ত্ব-সমাবিষ্টঃ মেধাবী ছিন্ন-সংশযঃ ॥১০॥
ন হি দেহ-ভৃতা শক্যম্ ত্যক্তুম্ কর্মাণি অশেষতঃ ।
যঃ তু কর্ম-ফল-ত্যাগী সঃ ত্যাগী ইতি অভিধীযতে ॥১১॥
অনিষ্টম্ ইষ্টম্ মিশ্রম্ চ ত্রিবিধম্ কর্মণঃ ফলম্ ।
ভবতি অত্যাগিনাম্ প্রেত্য ন তু সংন্যাসিনাম্ ক্বচিত্ ॥১২॥
পঞ্চ এতানি মহা-বাহো কারণানি নিবোধ মে ।
সাঙ্খ্যে কৃত-অন্তে প্রোক্তানি সিদ্ধযে সর্ব-কর্মণাম্ ॥১৩॥
অধিষ্ঠানম্ তথা কর্তা করণম্ চ পৃথক্-বিধম্ ।
বিবিধাঃ চ পৃথক্ চেষ্টাঃ দৈবম্ চ এব অত্র পঞ্চমম্ ॥১৪॥
শরীর-বাক্-মনোভিঃ যত্ কর্ম প্রারভতে নরঃ ।
ন্যায্যম্ বা বিপরীতং বা পঞ্চ এতে তস্য হেতবঃ ॥১৫॥
তত্র এবম্ সতি কর্তারম্ আত্মানম্ কেবলম্ তু যঃ ।
পশ্যতি অকৃত-বুদ্ধিত্বাত্ ন সঃ পশ্যতি দুর্মতিঃ ॥১৬॥
যস্য ন অহংকৃতঃ ভাবঃ বুদ্ধিঃ যস্য ন লিপ্যতে ।
হত্বা অপি সঃ ইমান্ লোকান্ ন হন্তি ন নিবধ্যতে ॥১৭॥
জ্ঞানম্ জ্ঞেযম্ পরিজ্ঞাতা ত্রিবিধা কর্ম-চোদনা ।
করণম্ কর্ম কর্তা ইতি ত্রিবিধঃ কর্ম-সংগ্রহঃ ॥১৮॥
জ্ঞানম্ কর্ম চ কর্তা চ ত্রিধা এব গুণ-ভেদতঃ ।
প্রোচ্যতে গুণ-সঙ্খ্যানে যথাবত্ শৃণু তানি অপি ॥১৯॥
সর্ব-ভূতেষু যেন একম্ ভাবম্ অব্যযম্ ঈক্ষতে ।
অবিভক্তম্ বিভক্তেষু তত্ জ্ঞানম্ বিদ্ধি সাত্ত্বিকম্ ॥২০॥
পৃথক্ত্বেন তু যত্ জ্ঞানম্ নানা-ভাবান্ পৃথক্-বিধান্ ।
বেত্তি সর্বেষু ভূতেষু তত্ জ্ঞানম্ বিদ্ধি রাজসম্ ॥২১॥
যত্ তু কৃত্স্নবত্ একস্মিন্ কার্যে সক্তম্ অহৈতুকম্ ।
অতত্ত্বার্থবত্ অল্পম্ চ তত্ তামসম্ উদাহৃতম্ ॥২২॥
নিযতম্ সঙ্গ-রহিতম্ অরাগ-দ্বেষতঃ কৃতম্ ।
অফল-প্রেপ্সুনা কর্ম যত্ তত্ সাত্ত্বিকম্ উচ্যতে ॥২৩॥
যত্ তু কাম-ঈপ্সুনা কর্ম সাহংকারেণ বা পুনঃ ।
ক্রিযতে বহুল আযাসম্ তত্ রাজসম্ উদাহৃতম্ ॥২৪॥
অনুবন্ধম্ ক্ষযম্ হিংসাম্ অনপেক্ষ্য চ পৌরুষম্ ।
মোহাত্ আরভ্যতে কর্ম যত্ তত্ তামসম্ উচ্যতে ॥২৫॥
মুক্ত-সঙ্গঃ অনহং-বাদী ধৃতি-উত্সাহ-সমন্বিতঃ ।
সিদ্ধি-অসিদ্ধ্যোঃ নির্বিকারঃ কর্তা সাত্ত্বিকঃ উচ্যতে ॥২৬॥
রাগী কর্ম-ফল-প্রেপ্সুঃ লুব্ধঃ হিংসাত্মকঃ অশুচিঃ ।
হর্ষ-শোক-অন্বিতঃ কর্তা রাজসঃ পরিকীর্তিতঃ ॥২৭॥
অযুক্তঃ প্রাকৃতঃ স্তব্ধঃ শঠঃ নৈষ্কৃতিকঃ অলসঃ ।
বিষাদী দীর্ঘ-সূত্রী চ কর্তা তামসঃ উচ্যতে ॥২৮॥
বুদ্ধেঃ ভেদম্ ধৃতেঃ চ এব গুণতঃ ত্রিবিধম্ শৃণু ।
প্রোচ্যমানম্ অশেষেণ পৃথক্ত্বেন ধনঞ্জয ॥২৯॥
প্রবৃত্তিম্ চ নিবৃত্তিম্ চ কার্য-অকার্যে ভয-অভযে ।
বন্ধম্ মোক্ষম্ চ যা বেত্তি বুদ্ধিঃ সা পার্থ সাত্ত্বিকী ॥৩০॥
যযা ধর্মম্ অধর্মম্ চ কার্যম্ চ অকার্যম্ এব চ ।
অযথাবত্ প্রজানাতি বুদ্ধিঃ সা পার্থ রাজসী ॥৩১॥
অধর্মম্ ধর্মম্ ইতি যা মন্যতে তমসা আবৃতা ।
সর্ব-অর্থান্ বিপরীতান্ চ বুদ্ধিঃ সা পার্থ তামসী ॥৩২॥
ধৃত্যা যযা ধারযতে মনঃ-প্রাণ-ইন্দ্রিয-ক্রিযাঃ ।
যোগেন অব্যভিচারিণ্যা ধৃতিঃ সা পার্থ সাত্ত্বিকী ॥৩৩॥
যযা তু ধর্ম-কাম-অর্থান্ ধৃত্যা ধারযতে অর্জুন ।
প্রসঙ্গেন ফল-আকাঙ্ক্ষী ধৃতিঃ সা পার্থ রাজসী ॥৩৪॥
যযা স্বপ্নম্ ভযম্ শোকম্ বিষাদম্ মদম্ এব চ ।
ন বিমুঞ্চতি দুর্মেধা ধৃতিঃ সা পার্থ তামসী ॥৩৫॥
সুখম্ তু ইদানীম্ ত্রিবিধম্ শৃণু মে ভরতর্ষভ ।
অভ্যাসাত্ রমতে যত্র দুঃখান্তম্ চ নিগচ্ছতি ॥৩৬॥
যত্ তত্ অগ্রে বিষম্ ইব পরিণামে অমৃত-উপমম্ ।
তত্ সুখম্ সাত্ত্বিকম্ প্রোক্তম্ আত্ম-বুদ্ধি-প্রসাদজম্ ॥৩৭॥
বিষয-ইন্দ্রিয-সংযোগাত্ যত্ তত্ অগ্রে অমৃত-উপমম্ ।
পরিণামে বিষম্ ইব তত্ সুখম্ রাজসম্ স্মৃতম্ ॥৩৮॥
যত্ অগ্রে চ অনুবন্ধে চ সুখম্ মোহনম্ আত্মনঃ ।
নিদ্রা-আলস্য-প্রমাদ-উত্থম্ তত্ তামসম্ উদাহৃতম্ ॥৩৯॥
ন তত্ অস্তি পৃথিব্যাম্ বা দিবি দেবেষু বা পুনঃ ।
সত্ত্বম্ প্রকৃতিজৈঃ মুক্তম্ যত্ এভিঃ স্যাত্ ত্রিভিঃ গুণৈঃ ॥৪০॥
ব্রাহ্মণ-ক্ষত্রিয-বিশাম্ শূদ্রাণাম্ চ পরন্তপ ।
কর্মাণি প্রবিভক্তানি স্বভাব-প্রভবৈঃ গুণৈঃ ॥৪১॥
শমঃ দমঃ তপঃ শৌচম্ ক্ষান্তিঃ আর্জবম্ এব চ ।
জ্ঞানম্ বিজ্ঞানম্ আস্তিক্যম্ ব্রহ্ম-কর্ম স্বভাবজম্ ॥৪২॥
শৌর্যম্ তেজঃ ধৃতিঃ দাক্ষ্যম্ যুদ্ধে চ অপি অপলাযনম্ ।
দানম্ ঈশ্বর-ভাবঃ চ ক্ষাত্রম্ কর্ম স্বভাবজম্ ॥৪৩॥
কৃষি-গৌরক্ষ্য-বাণিজ্যম্ বৈশ্য-কর্ম স্বভাবজম্ ।
পরিচর্যা-আত্মকম্ কর্ম শূদ্রস্য অপি স্বভাবজম্ ॥৪৪॥
স্বে স্বে কর্মণি অভিরতঃ সংসিদ্ধিম্ লভতে নরঃ ।
স্বকর্ম-নিরতঃ সিদ্ধিম্ যথা বিন্দতি তত্ শৃণু ॥৪৫॥
যতঃ প্রবৃত্তিঃ ভূতানাম্ যেন সর্বম্ ইদম্ ততম্ ।
স্বকর্মণা তম্ অভ্যর্চ্য সিদ্ধিম্ বিন্দতি মানবঃ ॥৪৬॥
শ্রেযান্ স্বধর্মঃ বিগুণঃ পর-ধর্মাত্ স্বনুষ্ঠিতাত্ ।
স্বভাব-নিযতম্ কর্ম কুর্বন্ ন আপ্নোতি কিল্বিষম্ ॥৪৭॥
সহজম্ কর্ম কৌন্তেয সদোষম্ অপি ন ত্যজেত্ ।
সর্বারম্ভাঃ হি দোষেণ ধূমেন অগ্নিঃ ইব আবৃতাঃ ॥৪৮॥
অসক্ত-বুদ্ধিঃ সর্বত্র জিত-আত্মা বিগত-স্পৃহঃ ।
নৈষ্কর্ম্য-সিদ্ধিম্ পরমাম্ সংন্যাসেন অধিগচ্ছতি ॥৪৯॥
সিদ্ধিম্ প্রাপ্তঃ যথা ব্রহ্ম তথা আপ্নোতি নিবোধ মে ।
সমাসেন এব কৌন্তেয নিষ্ঠা জ্ঞানস্য যা পরা ॥৫০॥
বুদ্ধ্যা বিশুদ্ধযা যুক্তো ধৃত্যাত্মানং নিযম্য চ ।
শব্দাদীন্বিষযাংস্ত্যক্ত্বা রাগদ্বেষৌ ব্যুদস্য চ ॥৫১॥
বিবিক্ত-সেবী লঘু-আশী যত-বাক্-কায-মানসঃ ।
ধ্যান-যোগ-পরঃ নিত্যম্ বৈরাগ্যম্ সমুপাশ্রিতঃ ॥৫২॥
অহংকারম্ বলম্ দর্পম্ কামম্ ক্রোধম্ পরিগ্রহম্ ।
বিমুচ্য নির্মমঃ শান্তঃ ব্রহ্ম-ভূযায কল্পতে ॥৫৩॥
ব্রহ্ম-ভূতঃ প্রসন্ন-আত্মা ন শোচতি ন কাঙ্ক্ষতি ।
সমঃ সর্বেষু ভূতেষু মত্-ভক্তিম্ লভতে পরাম্ ॥৫৪॥
ভক্ত্যা মাম্ অভিজানাতি যাবান্ যঃ চ অস্মি তত্ত্বতঃ ।
ততঃ মাম্ তত্ত্বতঃ জ্ঞাত্বা বিশতে তত্ অনন্তরম্ ॥৫৫॥
সর্ব-কর্মাণি অপি সদা কুর্বাণঃ মত্-ব্যপাশ্রযঃ ।
মত্-প্রসাদাত্ অবাপ্নোতি শাশ্বতম্ পদম্ অব্যযম্ ॥৫৬॥
চেতসা সর্ব-কর্মাণি মযি সংন্যস্য মত্-পরঃ ।
বুদ্ধি-যোগম্ উপাশ্রিত্য মত্-চিত্তঃ সততম্ ভব ॥৫৭॥
মত্-চিত্তঃ সর্ব-দুর্গাণি মত্-প্রসাদাত্ তরিষ্যসি ।
অথ চেত্ ত্বম্ অহংকারাত্ ন শ্রোষ্যসি বিনঙ্ক্ষ্যসি ॥৫৮॥
যত্ অহংকারম্ আশ্রিত্য ন যোত্স্যে ইতি মন্যসে ।
মিথ্যা এষঃ ব্যবসাযঃ তে প্রকৃতিঃ ত্বাম্ নিযোক্ষ্যতি ॥৫৯॥
স্বভাবজেন কৌন্তেয নিবদ্ধঃ স্বেন কর্মণা ।
কর্তুম্ ন ইচ্ছসি যত্ মোহাত্ করিষ্যসি অবশঃ অপি তত্ ॥৬০॥
ঈশ্বরঃ সর্ব-ভূতানাম্ হৃত্-দেশে অর্জুন তিষ্ঠতি ।
ভ্রামযন্ সর্ব-ভূতানি যন্ত্র-আরূঢানি মাযযা ॥৬১॥
তম্ এব শরণম্ গচ্ছ সর্ব-ভাবেন ভারত ।
তত্ প্রসাদাত্ পরাম্ শান্তিম্ স্থানম্ প্রাপ্স্যসি শাশ্বতম্ ॥৬২॥
ইতি তে জ্ঞানম্ আখ্যাতম্ গুহ্যাত্ গুহ্যতরং মযা ।
বিমৃশ্য এতত্ অশেষেণ যথা ইচ্ছসি তথা কুরু ॥৬৩॥
সর্ব-গুহ্যতমম্ ভূযঃ শৃণু মে পরমম্ বচঃ ।
ইষ্টঃ অসি মে দৃঢম্ ইতি ততঃ বক্ষ্যামি তে হিতম্ ॥৬৪॥
মত্-মনাঃ ভব মত্-ভক্তঃ মত্-যাজী মাম্ নমস্কুরু ।
মাম্ এব এষ্যসি সত্যম্ তে প্রতিজানে প্রিযঃ অসি মে ॥৬৫॥
সর্ব-ধর্মান্ পরিত্যজ্য মাম্ একম্ শরণম্ ব্রজ ।
অহম্ ত্বা সর্ব-পাপেভ্যঃ মোক্ষ্যযিষ্যামি মা শুচঃ ॥৬৬॥
ইদম্ তে ন অতপস্কায ন অভক্তায কদাচন ।
ন চ অশুশ্রূষবে বাচ্যম্ ন চ মাম্ যঃ অভ্যসূযতি ॥৬৭॥
যঃ ইদম্ পরমম্ গুহ্যম্ মত্-ভক্তেষু অভিধাস্যতি ।
ভক্তিম্ মযি পরাম্ কৃত্বা মাম্ এব এষ্যতি অসংশযঃ ॥৬৮॥
ন চ তস্মাত্ মনুষ্যেষু কশ্চিত্ মে প্রিয-কৃত্তমঃ ।
ভবিতা ন চ মে তস্মাত্ অন্যঃ প্রিযতরঃ ভুবি ॥৬৯॥
অধ্যেষ্যতে চ যঃ ইমম্ ধর্ম্যম্ সংবাদম্ আবযোঃ ।
জ্ঞান-যজ্ঞেন তেন অহম্ ইষ্টঃ স্যাম্ ইতি মে মতিঃ ॥৭০॥
শ্রদ্ধাবান্ অনসূযঃ চ শৃণুযাত্ অপি যঃ নরঃ ।
সঃ অপি মুক্তঃ শুভান্ লোকান্ প্রাপ্নুযাত্ পুণ্য-কর্মণাম্ ॥৭১॥
কচ্চিত্ এতত্ শ্রুতম্ পার্থ ত্বযা একাগ্রেণ চেতসা ।
কচ্চিত্ অজ্ঞান-সম্মোহঃ প্রনষ্টঃ তে ধনঞ্জয ॥৭২॥
অর্জুনঃ উবাচ ।
নষ্টঃ মোহঃ স্মৃতিঃ লব্ধা ত্বত্ প্রসাদাত্ মযা অচ্যুত ।
স্থিতঃ অস্মি গত-সন্দেহঃ করিষ্যে বচনম্ তব ॥৭৩॥
সঞ্জযঃ উবাচ ।
ইতি অহম্ বাসুদেবস্য পার্থস্য চ মহাত্মনঃ ।
সংবাদম্ ইমম্ অশ্রৌষম্ অদ্ভুতম্ রোম-হর্ষণম্ ॥৭৪॥
ব্যাস-প্রসাদাত্ শ্রুতবান্ এতত্ গুহ্যম্ অহম্ পরম্ ।
যোগম্ যোগেশ্বরাত্ কৃষ্ণাত্ সাক্ষাত্ কথযতঃ স্বযম্ ॥৭৫॥
রাজন্ সংস্মৃত্য সংস্মৃত্য সংবাদম্ ইমম্ অদ্ভুতম্ ।
কেশব-অর্জুনযোঃ পুণ্যম্ হৃষ্যামি চ মুহুঃ মুহুঃ ॥৭৬॥
তত্ চ সংস্মৃত্য সংস্মৃত্য রূপম্ অতি-অদ্ভুতম্ হরেঃ ।
বিস্মযঃ মে মহান্ রাজন্ হৃষ্যামি চ পুনঃ পুনঃ ॥৭৭॥
যত্র যোগেশ্বরঃ কৃষ্ণঃ যত্র পার্থঃ ধনুর্ধরঃ ।
তত্র শ্রীঃ বিজযঃ ভূতিঃ ধ্রুবা নীতিঃ মতিঃ মম ॥৭৮॥

ॐ তত্ সত্ ইতি শ্রীমত্ ভগবত্ গীতাসু উপনিষত্সু
ব্রহ্ম-বিদ্যাযাম্ যোগ-শাস্ত্রে শ্রীকৃষ্ণ-অর্জুন-সংবাদে মোক্ষ-সংন্যাস-যোগঃ নাম অষ্টাদশঃ অধ্যাযঃ
হরি ঊঁ তত্সত্ হরি ঊঁ তত্সত্ হরি ঊঁ তত্সত্

অধ্যাযঃ ১ ২ ৩ ৪ ৫ ৬ ৭ ৮ ৯ ১০ ১১ ১২ ১৩ ১৪ ১৫ ১৬ ১৭ ১৮